ភ្នំពេញ ៖ ឃ្លាំងលក់ម៉ូតូដែលមានស្តុកម៉ូតូជាច្រេីនគ្រឿងត្រូវបានអគ្គិភ័យលេបត្របាក់អស់ទាំងស្រុង ។
ហេតុការណ៍នេះបង្កភ្ញាក់ភ្ញាក់ផ្អើលកាលពីវេលាម៉ោង២និង៣០នាទី រំលងអធ្រាត្រឈានចូល ថ្ងៃទី២៨ ខែតុលា ឆ្នាំ២០២៥ ស្ថិតតាមបណ្ដោយផ្លូវ៣២៨ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ។
តាមការបញ្ជាក់ពីប្រជាពលរដ្ឋប្រាប់បានឲ្យដឹងថា គេលឺសំលេងផ្ទុះជាបន្តបន្ទាប់ ក៏បានចេញទៅមេីល ស្រាប់តែឃេីញមានផ្សែងខ្មៅលាយលំជាមួយអណ្ដាតភ្លើងឆេះចេញពីឃ្លាំងលក់ និងស្តុកម៉ូតូមួយកន្លែងយ៉ាងសន្ធោសន្ធៅ ។ ភ្លាមៗ ពលរដ្ឋបាន ប្រញាប់រាយការណ៍ ទៅមន្ត្រីជំនាញពន្លត់អគ្គិភ័យ ដើម្បីមកអន្តរាគមន៍ជៀសវាងមានការរាលដាលកាន់តែខ្លាំង ។
អគ្គិភ័យខាងលេីនេះបានឆាបឆេះផ្ទះ ចំនួន ១ល្វែង ស្ទើរ ទាំងស្រុង នឹងលេបត្របាក់ឃ្លាំងលក់ និងស្តុកម៉ូតូ រួមទាំងគ្រឿងសម្ភារៈម៉ូតូ អស់ទាំងស្រុង នឹង ប្រេីប្រាស់រថយន្ដពន្លត់អគ្គិភ័យ របស់ស្នងការដ្ឋាននគរបាលរាជធានីភ្នំពេញ រួមសហការជារថយន្ដពន្លត់អគ្គិភ័យរបស់កងពលតូចលេខ៧០(៧១១) អស់ជាច្រេីនគ្រឿងបាញ់អោយរលត់ជាស្ថាពរ ។ ចំពោះមូលហេតុដែលបង្កអោយឆាបឆេះបែបនេះ សមត្ថកិច្ចជំនាញពន្លត់អគ្គិភ័យ កំពុងហ៊ុមព័ទ្ធខ្សែដេីម្បីធ្វេីការស្រាវជ្រាវ ៕ អត្ថបទ ៖ រ៉ារ៉ា
