យោងតាមបទប្បញ្ញត្តិ ២៥% នៃអាសនៈសភាចំនួន ៣២៩ គឺសម្រាប់ស្ត្រី និង ៩ អាសនៈគឺសម្រាប់ជនជាតិភាគតិចខាងសាសនា ប្រធានរដ្ឋសភាជាមូស្លីមស៊ុននី នាយករដ្ឋមន្ត្រីជាស៊ីអុីត និងប្រធានាធិបតីជាជនជាតិឃឺដ។

នៅថ្ងៃទី ១១ ខែវិច្ឆិកា អ្នកបោះឆ្នោតអុី
រ៉ាក់ជាង ២១ លាននាក់បានចាប់ផ្តើមបោះឆ្នោតក្នុងការបោះឆ្នោតសភា ដែលត្រូវបានចាត់ទុកថាជាចំណុចរបត់នយោបាយដ៏សំខាន់សម្រាប់ប្រទេសមេសូប៉ូតាមៀ។
យោងតាមគណៈកម្មការបោះឆ្នោតអុីរ៉ាក់ ការិយាល័យបោះឆ្នោតបើកពីម៉ោង ៧:០០ ព្រឹកដល់ម៉ោង ៦:០០ ល្ងាចថ្ងៃទី ១១ ខែវិច្ឆិកា ម៉ោងក្នុងស្រុក ។ លទ្ធផលបឋមត្រូវបានគេរំពឹងថានឹងត្រូវប្រកាសក្នុងរយៈពេល ២៤ ម៉ោងបន្ទាប់ពីការបោះឆ្នោតចប់។
នេះគឺជាការបោះឆ្នោតសភាលើកទី៧ ចាប់តាំងពីក្រុមចម្រុះដឹកនាំដោយសហរដ្ឋអាមេរិកបានឈ្លានពានអុីរ៉ាក់ក្នុងឆ្នាំ ២០០៣ ដោយផ្តួលរំលំមេដឹកនាំសាដាម ហ៊ូសេន។ ប្រទេសអុីរ៉ាក់បានឃើញការបង្ហូរឈាម និងការកើនឡើងនៃក្រុមជ្រុលនិយម រួមទាំងរដ្ឋអ៊ិស្លាម (IS) ដែលប្រកាសខ្លួនឯងផងដែរ។
ការបោះឆ្នោតនេះមិនត្រឹមតែនឹងកំណត់ថាអ្នកណាកាន់អំណាចនៅក្នុងប្រទេសនោះទេ ប៉ុន្តែថែមទាំងជះឥទ្ធិពលដល់តួនាទីរបស់ប្រទេសអុីរ៉ាក់នៅក្នុងមជ្ឈិមបូព៌ាដ៏ចលាចលផងដែរ។
យោងតាមគណៈកម្មការបោះឆ្នោតឯករាជ្យជាន់ខ្ពស់របស់ប្រទេសអុីរ៉ាក់ (IHEC) មានបេក្ខជនជាង 7,700 នាក់ដែលមានសិទ្ធិឈរឈ្មោះ តំណាងឱ្យសម្ព័ន្ធភាពចំនួន 31 គណបក្សចំនួន 38 និងបញ្ជីឯករាជ្យប្រហែល 75 ដើម្បីឈរឈ្មោះសម្រាប់អាសនៈចំនួន 329 នៅក្នុងក្រុមប្រឹក្សាតំណាងរាស្ត្រ (សភាអុីរ៉ាក់)។
អ្នកបោះឆ្នោតជាង 21 លាននាក់បានចុះឈ្មោះបោះឆ្នោតនៅការិយាល័យបោះឆ្នោតចំនួន 8,700 កន្លែងទូទាំងប្រទេស។ មុននេះ នៅថ្ងៃទី 9 ខែវិច្ឆិកា ការិយាល័យបោះឆ្នោតជាង 800 កន្លែងបានបើកសម្រាប់សមាជិកកងកម្លាំងសន្តិសុខជាង 1.3 លាននាក់ និងជនភៀសខ្លួនប្រហែល 26,000 នាក់ដើម្បីចូលរួមក្នុងការបោះឆ្នោតមុន៕ ដោយធីរីណា

រូប​ថត​: TTXVN