ក្រុមហ៊ុន Apple បាននិយាយកាលពីថ្ងៃចន្ទថា ខ្លួនកំពុងកាត់បន្ថយការងារនៅទូទាំងក្រុមផ្នែកលក់ដើម្បីពង្រឹងកិច្ចខិតខំប្រឹងប្រែងចូលរួមជាមួយអតិថិជនរបស់ខ្លួន ដោយបញ្ចាក់ថាមានតែតួនាទីមួយចំនួនតូចប៉ុណ្ណោះដែលនឹងរងផលប៉ះពាល់ដោយការបញ្ឈប់ការងារ។

អ្នកនាំពាក្យរបស់ Apple បានប្រាប់ សារព័ត៌មានReuters ថាក្រុមហ៊ុនកំពុងបន្តជ្រើសរើសតំណែងថ្មី ហើយបុគ្គលិកដែលរងផលប៉ះពាល់អាចដាក់ពាក្យសម្រាប់តួនាទីថ្មីនេះ។

សារព័ត៌មានBloomberg បានរាយការណ៍ថា បុគ្គលិកដែលបម្រើការនៅមជ្ឈមណ្ឌលសង្ខេបរបស់ Apple សម្រាប់កិច្ចប្រជុំតាមស្ថាប័ន និងការបង្ហាញផលិតផលសម្រាប់អតិថិជនអនាគតក៏រងផលប៉ះពាល់ផងដែរ។

គោលដៅសំខាន់មួយនៃការបញ្ឈប់បុគ្គលិកគឺក្រុមលក់របស់រដ្ឋាភិបាលដែលធ្វើការជាមួយភ្នាក់ងារ រួមទាំងក្រសួងការពារជាតិអាមេរិក និងក្រសួងយុត្តិធម៌។Bloomberg បានបន្ថែមទៀតថា ក្រុមនេះបានប្រឈមមុខនឹងលក្ខខណ្ឌដ៏លំបាករួចទៅហើយបន្ទាប់ពីការបិទរដ្ឋាភិបាលរយៈពេល 43 ថ្ងៃ និងការកាត់បន្ថយដែលដាក់ដោយនាយកដ្ឋានប្រសិទ្ធភាពរដ្ឋាភិបាល ឬ DOGE។

ក្នុងរយៈពេលប៉ុន្មានសប្តាហ៍កន្លងមកនេះ ក្រុមហ៊ុននានារួមទាំងក្រុមហ៊ុន Verizon, Synopsys  និង IBM បានប្រកាសពីការកាត់បន្ថយការងារផងដែរ៕