រថយន្ត​​សាំ​យ៉ុ​ង១គ្រឿងឆ្លង​ចរន្ត​ខ្សែភ្លើង​​ឆាបឆេះ ខូច ខាត​ទាំងស្រុងនៅ​លើ​ផ្លូវជាតិ​លេខ​៧

ចែករំលែក៖

ខេត្តកំពង់ចាម ៖ នៅ​ថ្ងៃ​ទី​២៩ ខែវិច្ឆិកា ឆ្នាំ​២០២៥ វេលា​ម៉ោង​១៤:៥០​នាទី​រសៀល​នេះ មាន​ករណី​អគ្គិភ័យ​ឆាបឆេះ​រថយន្ត​១គ្រឿង ស្ថិត​នៅ​លើ​ផ្លូវជាតិ​លេខ​៧ ភូមិ​ឃ្លោ​យ​ទី​១ ឃុំ​មៀន ស្រុក​ព្រៃឈរ ខេត្តកំពង់ចាម នេះ​បើ​យោង​តាម​នាយកដ្ឋាន​នគរបាល​បង្ការ​ពន្លត់​អគ្គិភ័យ​និង​សង្គ្រោះ នៃ​អគ្គស្នងការដ្ឋាន​នគរបាល​ជាតិ ។

ក្រោយ​ពី​ទទួល​បាន​ព័ត៌មាន​ភ្លាម លោក​ឧត្តមសេនីយ៍ត្រី មិន សុគន្ធ​វិបុល ស្នងការ​រង ទទួល​ផែនការ​ងារ​គ្រប់គ្រង​អាវុធ​គ្រឿងផ្ទុះ និង​អគ្គិភ័យ បាន​បញ្ជា​ឱ្យ​លោក​វរសេនីយ៍ឯក សេង ណា អធិការ​នគរបាល​ស្រុក​ព្រៃឈរ ដឹកនាំ​កម្លាំង​ជំនាញ​អគ្គិភ័យ​នៃ​អធិការដ្ឋាន​នគរបាល​ស្រុក​ព្រៃឈរ ចេញ​រថយន្ដ​ពន្លត់ ១​គ្រឿង ចុះ​ទៅ​អន្ដរាគមន៍​ជួយ​ពន្លត់ភ្លើង ដោយ​សហការ​ជាមួយ​កម្លាំង​ប៉ុស្ដិ៍​នគរបាល​រដ្ឋបាល និង​កម្លាំង​ប្រជា​ការពារ ។

នាយកដ្ឋាន​នគរបាល​បង្ការ ពន្លត់​អគ្គិភ័យ និង​សង្គ្រោះ បាន​ឲ្យ​ដឹង​ថា ម្ចាស់​រថយន្ត​ឈ្មោះ ព្រហ្ម កុសល ភេទ​ប្រុស អាយុ​៣៨​ឆ្នាំ ជនជាតិ​ខ្មែរ រស់នៅ​ភូមិ​ទី​១៤ ឃុំ​កោះសូទិន ស្រុក​កោះសូទិន ខេត្តកំពង់ចាម ។

ក្នុង​ករណី​នេះ​បណ្ដាល​ឲ្យ​ឆេះ​រថយន្ដ​ចំនួន​០១​គ្រឿង ម៉ាក​សាំ​យ៉ុ​ង ពណ៌​ស ពាក់​ផ្លា​ក​លេខ​ភ្នំពេញ 2AR- 7343 និង​សម្ភារ​ខោអាវ​នៅ​លើ​រថយន្ដ​មួយ​ចំនួន ។

នាយកដ្ឋាន​នគរបាល​បង្ការ ពន្លត់​អគ្គិភ័យ និង​សង្គ្រោះ បញ្ជាក់​ថា មូលហេតុ​បណ្តាល​មក​ពី​ឆ្លង​ចរន្ត​ខ្សែភ្លើង​ក្នុង​រថយន្ត ។

...

ទោះជា​យ៉ាងណា ករណី​នេះ​មិន​បណ្ដាល​ឲ្យ​រាល​ដល់​លំនៅ​ដ្ឋា​ន​ប្រជាពលរដ្ឋ និង​របួស​ដល់​មនុស្ស​ឡើយ កម្លាំង​សមត្ថកិច្ច​បាន​ប្រើប្រាស់​រថយន្ដ​ពន្លត់​អគ្គិភ័យ​របស់​អធិការដ្ឋាន​នគរបាល​ស្រុក​ព្រៃឈរ១​គ្រឿង និង​ប្រើប្រាស់​អស់​ទឹក​ចំនួន​០១​រថយន្ត ៕

ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print