ក្រុមកីឡាករបាល់ទាត់ជម្រើសជាតិឥណ្ឌូណេស៊ីអាយុក្រោម22ឆ្នាំ(U22) កំពុងប្រមូលផ្តុំក្រុមខ្លាំងបំផុតដែលអាចការពារមេដាយមាសកីឡាសុីហ្គេម ជាមួយនឹងការបន្ថែមកីឡាករសញ្ជាតិហូឡង់ 5 នាក់បន្ថែមទៀត។

កីឡាករទាំងប្រាំនាក់ដែលមានដើមកំណើតហូឡង់គឺខ្សែការពារ Dion Markx ខ្សែបម្រើ Ivar Jenner និងខ្សែប្រយុទ្ធ Rafael Struick, Jens Raven និង Mauro Zijlstra ។ Struick និង Raven កំពុងលេងនៅប្រទេសឥណ្ឌូនេស៊ី។ នៅសល់បីនាក់ទៀតគឺ Markx, Zijlstra និង Jenner កំពុងលេងឱ្យក្លឹបហូឡង់។

ដោយសារ សុីហ្គេម 33 មិនមែនជាផ្នែកនៃការសម្រាកអន្តរជាតិរបស់ FIFA សមាគមបាល់ទាត់ឥណ្ឌូណេស៊ី (PSSI) កំពុងចរចាជាមួយក្លឹបនានាដើម្បីដោះលែងពួកគេ។

Zijlstra ស្ថិតក្នុងបញ្ជីប្រាក់ខែរបស់ FC Volendam ប៉ុន្តែមិនបានលេងតែមួយប្រកួតក្នុងការប្រកួតជើងឯកជាតិហូឡង់ Eredivisie ខណៈពេលដែល Dion Markx បានលេងពីរប្រកួតសម្រាប់ TOP Oss ក្នុងលីគលំដាប់ទីពីររបស់ហូឡង់ Eerste Divisie ។

Ivar Jenner បានលេង 68 ប្រកួតសម្រាប់ក្រុមយុវជន FC Utrecht ។

ក្រុមនេះត្រូវបានពង្រឹងបន្ថែមទៀតដោយខ្សែបម្រើ Marselino Ferdinan ដែលជាកីឡាករទេពកោសល្យវ័យក្មេងបំផុតរបស់ប្រទេសឥណ្ឌូនេស៊ី និងជាអ្នករួមចំណែកដ៏សំខាន់ក្នុងការឈ្នះមេដាយមាសស៊ីហ្គេម 32 របស់ប្រទេស។ យ៉ាងណាក៏ដោយ អាជីពរបស់ខ្សែបម្រើវ័យ 21 ឆ្នាំរូបនេះមានការធ្លាក់ចុះ។ ចាប់តាំងពីឆ្នាំ 2022 គាត់បានផ្លាស់ប្តូរលេងឱ្យក្លឹបបីគឺបែលហ្ស៊ិក (Deinze) អង់គ្លេស (Oxford United) និងស្លូវ៉ាគី (Trencin) ប៉ុន្តែបានលេងត្រឹមតែ 12 ប្រកួតប៉ុណ្ណោះ និងស៊ុតបញ្ចូលទីបានមួយគ្រាប់នៅគ្រប់ក្លឹបទាំងនោះ។

ក្រុម U22 ឥណ្ឌូណេស៊ីមានកីឡាករដែលបានចូលរួមប្រកួតក្នុងពានរង្វាន់ ASEAN U23 Championship និងវគ្គជម្រុះ U23 Asian Cup ឆឆ្នាំ2026។

ក្រៅពី Ferdinan ក្រុមនេះរួមបញ្ចូលអ្នកឈ្នះមេដាយមាសស៊ីហ្គេម 32 ផ្សេងទៀតគឺខ្សែការពារ Muhammad Ferrarri និងខ្សែបម្រើ Ananda Raehan។ គ្រូបង្វឹក Indra Sjafri បានបញ្ជាក់ថា ក្រុមនឹងខិតខំដណ្ដើមបានមេដាយមាសជាលើកទីពីរជាប់គ្នា។

ឥណ្ឌូនេស៊ីស្ថិតក្នុងពូល C នៃកីឡាបាល់ទាត់បុរសស៊ីហ្គេម។ ដោយសារកម្ពុជាដកខ្លួន សិង្ហបុរីត្រូវបានប្តូរពីពូល C មកពូល A ដែលធ្វើឲ្យកាលវិភាគរបស់ឥណ្ឌូនេស៊ីស្រាល។ ពួកគេនឹងជួបហ្វីលីពីននៅថ្ងៃទី 8 ខែធ្នូ និងមីយ៉ាន់ម៉ានៅថ្ងៃទី 12 ខែធ្នូ៕