ខ្សែប្រយុទ្ធKylian Mbappe របស់ក្លឹប Real Madrid នឹងអាចបំបែកកំណត់ត្រាក្លឹបរបស់ Cristiano Ronaldo សម្រាប់ការស៊ុតបញ្ចូលទីច្រើនបំផុតក្នុងឆ្នាំប្រតិទិនពេលក្រុមរបស់គាត់ប៉ះ Celta Vigo ក្នុងក្របខណ្ឌអេស្ប៉ាញ LaLiga នៅទឹកដី Santiago Bernabeu នៅថ្ងៃអាទិត្យ។

Mbappe បានស៊ុតបញ្ចូលទីបាន 55 គ្រាប់នៅក្នុងការប្រកួតទាំងអស់នៅក្នុងការប្រកួតជាច្រើនក្នុងឆ្នាំ 2025។គាត់នឹងអាចបំបែកកំណត់ត្រាដែលRonaldo រកបាន59គ្រាប់ក្នុងឆ្នាំ 2013។ ជាមួយនឹងការប្រកួតចំនួន 5 ដែលនៅត្រូវលេងនៅឆ្នាំនេះ ខ្សែប្រយុទ្ធសញ្ជាតិបារាំងរូបនេះអាចវ៉ាដាច់កីឡាករព័រទុយហ្គាល់Ronaldo។

ទម្រង់លេងដ៏អស្ចារ្យរបស់Mbappe ម្ចាស់ជើងឯក World Cup បានបន្តកាលពីពាក់កណ្តាលសប្តាហ៍ជាមួយនឹងការស៊ុតបញ្ចូលទីដ៏អស្ចារ្យចំនួន 2 និងបញ្ចូនបាល់ឱ្យមិត្តរួមក្រុមស៊ុតបញ្ចូលទី មួយគ្រាប់ទល់នឹង Athletic Bilbao ក្នុងជ័យជម្នះ 3-0 នៅលើទឹកដី San Mames ដោយធ្វើឱ្យចំនួនសរុបរបស់គាត់សម្រាប់រដូវកាល LaLigaកើន ដល់ទៅ 16 គ្រាប់ ក្នុង 15 ប្រកួត ពោលគឺច្រើនទ្វេដងនៃចំនួន 8 គ្រាប់ដែលរកបានដោយកីឡាករ Robert Lewandowski របស់ Barcelona ដែលឈរនៅចំណាត់ថ្នាក់លេខ 2 ក្នុងតារាង Liga ។

កីឡាករវ័យ 26 ឆ្នាំនឹងមានឱកាសបន្ថែមលើចំនួនសរុបរបស់គាត់ក្នុងខែធ្នូ ដោយ Real ក៏ត្រូវប្រឈមមុខនឹង Manchester City ក្នុងក្របខ័ណ្ឌ Champions League និងគូប្រជែងក្នុងស្រុក Sevilla និង Alaves នៅ LaLiga ជាមួយនឹងការប្រកួតនៅ Copa del Rey ។

ប៉ុន្តែគាត់នឹងទទួលបានឱកាសដំបូងរបស់គាត់ក្នុងការស្វែងរកគ្រាប់បាល់ក្នុងការប្រកួតនៅថ្ងៃអាទិត្យជាមួយក្រុម Celta Vigo ដែលឈរនៅពាក់កណ្តាលតារាង៕