រញ្ជួយដីកម្រិត ៧.៥ រ៉ិចទ័របានរញ្ជួយនៅភាគឦសានប្រទេសជប៉ុន បណ្តាលឲ្យមនុស្ស ៣០ នាក់រងរបួស បណ្តាលឱ្យដាច់ចរន្តអគ្គិសនី ការព្រមានពីរលកយក្សស៊ូណាមិ និងហានិភ័យនៃការរញ្ជួយដីជាបន្តបន្ទាប់។

នាយករដ្ឋមន្ត្រីជប៉ុន Sanae Takaichi បាននិយាយនៅថ្ងៃទី ៩ ខែធ្នូថា មនុស្ស ៣០ នាក់បានរងរបួសនៅក្នុងការរញ្ជួយដីកម្រិត ៧.៥ រ៉ិចទ័រដែលបានវាយប្រហារភាគឦសាននៃប្រទេសកាលពីយប់ ដោយព្រមានអំពីលទ្ធភាពនៃការរញ្ជួយដីស្រដៀងគ្នា ឬខ្លាំងជាងនេះនៅក្នុងតំបន់ឆ្នេរសមុទ្រនៃមហាសមុទ្រប៉ាស៊ីហ្វិក។
ប៉ុន្តែក្រោយមក អាជ្ញាធរជប៉ុន នៅថ្ងៃអង្គារ ទី៩ ខែធ្នូ បានលុបចោលការប្រកាសអាសន្នពីរលកស៊ូណាមិ ក្រៅពី មនុស្សយ៉ាងហោច ៣០នាក់រងរបួស និងបង្ខំឱ្យប្រជាជន ៩០ ០០០នាក់ត្រូវជម្លៀសខ្លួនចេញពីផ្ទះសម្បែងទៅរកកន្លែងមានសុវត្ថិភាព។
គ្រោះរញ្ជួយដីខាងលើបានវាយប្រហារលើតំបនឆ្នេរ នៅម៉ោង ១១៖១៥នាទីយប់កាលពីថ្ងៃចន្ទ ហើយទីភ្នាក់ងារឧតុនិយមជប៉ុនបានឱ្យដឹងថារលកស៊ូណាមិមានកម្ពស់ ៣ម៉ែត្រ អាចនឹងវាយប្រហារ លើឆ្នេរភាគខាងឦសាននៃប្រទេស។ ការប្រកាសអាសន្នពីរលកស៊ូណាមិ បានធ្វើឡើងសម្រាប់ខេត្ត Hokkaido Aomori និងខេត្ត Iwate ខណៈរលកស៊ូណាមិនមានកម្ពស់ពី២០ ដល់៧០ សង់ទីម៉ែត្រ ត្រូវបានរាយការណ៍នៅតាមកំពង់ផែជាច្រើន។
រហូតដល់ព្រឹកថ្ងៃអង្គារនេះ ទើបទីភ្នាក់ងារឧតុនិយមជប៉ុនបន្ធូរបន្ថយការព្រមានទៅជាការណែនាំវិញ និងក្រោយបានលុបចោលការប្រកាសអាសន្នពីរលកស៊ូណាមិ។ មិនមានសេចក្ដីរាយការណ៍ពី ការខូចខាតធ្ងន់ធ្ងរនោះទេ៕

រូបថត​: viettime