ខេត្តកំពង់ស្ពឺ ៖ មន្ត្រីនគរបាលស្រុកគងពិសីបានឱ្យដឹងនៅព្រឹកថ្ងៃទី១៨ខែធ្នូឆ្នាំ២០២៥នេះថា ក្មេងទំនេីង២ នាក់ ជាមុខសញ្ញាសង្ស័យដាក់អាវុធតាមខ្លួន ដេីរពេល យប់ត្រូវបានឃាត់ខ្លួន។ ជូនសង្ស័យទាំងពីរនាក់ត្រូវបានបញ្ចូលទៅស្នងការរដ្ឋាននគរបាលខេត្តកំពង់ស្ពឺ ដើម្បីកសាងសំណុំរឿងចាត់ការតាមនីតិវិធី។
ប្រភពខាងលើឲ្យដឹងថា ដោយបានការដឹកនាំបញ្ជាពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ ក្នុងការអនុវត្ដវិធានការបង្កាទប់ស្កាត់និងបង្រ្កាបបទល្មេីសក្នុងមូលដ្ឋាន ពិសេសក្មេងទំនេីង អធិការដ្ឋាននគរបាលស្រុកគងពិសីក្រោមការបញ្ជាដឹកនាំពីលោកវរសេនីយ៍ឯក យ៉ាង សុខលី អធិការនគរបាលស្រុក កំលាំងនគរបាលផ្នែកព្រហ្មទណ្ឌបានចុះល្បាតនិងឃាត់បានមុខសញ្ញាក្មេងទំនើងដើរយប់ដោយមានកាន់កាប់អាវុធដាវដែកដាក់តាមខ្លួន ស្ថិតនៅចំណុចផ្លូវលំ ភូមិភែក ឃុំស្រង់ ស្រុកគងពិសី ខេត្តកំពង់ស្ពឺ ឃាត់ខ្លួនជនសង្ស័យ២នាក់៖
(១)- ឈ្មោះ គា ឧត្ដម ភេទប្រុស អាយុ២២ឆ្នាំ នៅភូមិពង្រ ឃុំស្រង់ ស្រុកគងពិសីនិង (២)-ឈ្មោះ គា សុវណ្ណ ភេទប្រុស អាយុ២០ឆ្នាំ នៅភូមិពង្រ ឃុំស្រង់ ស្រុកគងពិសី ខេត្ដកំពង់ស្ពឺ ។
ប្រតិបត្ដិការនេះសមត្ថកិច្ចនេះដកហូតដាវកែឆ្នៃប្រវែង៦០ សង់ទីម៉ែត្រ និងម៉ូតូមួយគ្រឿង វីនន័រអុិច ពណ៌ក្រហម គ្មានផ្លាកលេខ កំលាំងបានបញ្ជូនមកអធិការដ្ឋាននគរបាលស្រុកដេីម្បីកសាងសំណុំរឿងបញ្ជូនទៅការិយាល័យព្រហមទណ្ឌកំរិតស្រាល ចំណាត់ការតាមនីតិវិធី៕
