ឈុតឆាកនៃបេក្ខជនរាប់ពាន់នាក់កំពុងប្រឡងនៅលើផ្លូវរត់នៃអាកាសយានដ្ឋានមួយក្នុងទីក្រុង Odisha ភាគខាងកើតប្រទេសឥណ្ឌា បានទាក់ទាញការចាប់អារម្មណ៍យ៉ាងខ្លាំងនៅលើប្រព័ន្ធផ្សព្វផ្សាយសង្គម។

វីដេអូមួយដែលចរាចរនៅលើប្រព័ន្ធផ្សព្វផ្សាយសង្គមក្នុងរយៈពេលប៉ុន្មានថ្ងៃថ្មីៗនេះ បង្ហាញពីបេក្ខជនការងាររាប់ពាន់នាក់អង្គុយជិតគ្នានៅលើផ្លូវរត់អាកាសយានដ្ឋានបើកចំហរ ដោយគ្មានតុ ឬកៅអី ដើម្បីប្រឡងនៅ Odisha ភាគខាងកើតប្រទេសឥណ្ឌា។
រូបភាពនេះបានបង្កឱ្យមានភាពចម្រូងចម្រាសយ៉ាងឆាប់រហ័ស និងបានលើកឡើងនូវសំណួរអំពីភាពត្រឹមត្រូវ និងលក្ខខណ្ឌនៃការប្រឡង។ ទោះជាយ៉ាងណាក៏ដោយ ការផ្ទៀងផ្ទាត់ដោយប្រព័ន្ធផ្សព្វផ្សាយជាច្រើន និងអង្គការផ្ទៀងផ្ទាត់ព័ត៌មានបានបញ្ជាក់ថា ហេតុការណ៍នេះជាការពិត។
យោងតាម DigitEYE India ការប្រឡងនេះបានធ្វើឡើងនៅថ្ងៃទី ១៦ ខែធ្នូ នៅផ្លូវរត់ Jamadarpali ក្នុងស្រុក Sambalpur រដ្ឋ Odisha។ នេះគឺជាការប្រឡងដើម្បីជ្រើសរើសមុខតំណែងចំនួន ១៨៧ សម្រាប់កងកម្លាំងគាំទ្រសន្តិសុខ និងការពារជនស៊ីវិលក្នុងតំបន់។ ដោយសារតែចំនួនអ្នកដាក់ពាក្យសុំដ៏ច្រើនលើសលប់ អាជ្ញាធរត្រូវបានបង្ខំឱ្យប្រើប្រាស់ផ្លូវរត់អាកាសយានដ្ឋានជាទីតាំងប្រឡងបណ្តោះអាសន្ន។
វីដេអូមួយដែលត្រូវបានចែកចាយយ៉ាងទូលំទូលាយពី Odisha TV (OTV) បង្ហាញពីបេក្ខជនរាប់ពាន់នាក់អង្គុយជាជួរវែងៗនៅលើផ្លូវរត់ ឱនចុះដើម្បីប្រឡងសរសេរដោយគ្មានតុ ឬកៅអី។ ចំណងជើងវីដេអូបញ្ជាក់ថា មានបេក្ខជនជាង 8,000 នាក់មានវត្តមានដើម្បីប្រកួតប្រជែងសម្រាប់មុខតំណែងទំនេរតិចជាង 200។បេក្ខជនជាង 8,000 នាក់ត្រូវប្រឡងដោយផ្ទាល់នៅលើផ្លូវរត់ព្រលានយន្តហោះ ពីព្រោះគ្មានទីតាំងផ្សេងទៀតអាចផ្ទុកចំនួននោះបាន ៕

រូបថត​: tuoitre