ខេត្តកំពង់ស្ពឺ÷ ដោយអនុវត្ដតាមបទបញ្ជាដឹកនាំពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ ថ្ងៃអាទិត្យ ៩កើត ខែបុស្ស ឆ្នាំ ម្សាញ់សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៨ ខែធ្នូ ឆ្នាំ២០២៥ កំលាំងអធិការដ្ឋាននគរបាលស្រុកសាមគ្គីមុនីជ័យ បានល្បាតនៅចំណុចផ្លូវលំខាងជើងភូមិស្តុកស្លាត ឃុំភ្នំតូច ស្រុកសាមគ្គីមុនីជ័យ បានឃើញមុខ សញ្ញាសង្ស័យចំនួន២នាក់ ១. ឈ្មោះ លាប លីន ភេទប្រុស អាយុ ២៤ឆ្នាំ រស់នៅភូមិទួលសំបូរ ឃុំដំណាក់រាំង ស្រុកសាមគ្គីមុនីជ័យ ២.ឈ្មោះ ឡូង វ៉ាន់ថន ភេទប្រុស អាយុ២៤ឆ្នាំ រស់នៅភូមិពងទឹក ឃុំដំណាក់រាំង ស្រុកសាមគ្គីមានជ័យ។
ត្រួតពិនិត្យឆែកឆេររកឃេីញ:- ម្សៅក្រាមពណ៌សសង្ស័យជាគ្រឿងញៀនចំនួន ១ កញ្ចប់ – ទូរស័ព្ទដៃចំនួន ២ គ្រឿង – ម៉ូតូ ០១ គ្រឿង- ឧបករណ៍កែច្នៃសម្រាប់ប្រើប្រាស់គ្រឿងញៀនមួយចំនួន ។
ផ្អែកតាមចម្លើយ និងបានការសម្របសម្រួលនីតិវិធីពីតំណាងអយ្យការ អមសាលាដំបូងខេត្តកំពង់ស្ពឺ សមត្ថកិច្ចដឹកនាំពីលោកវរសេនីយ៍ទោ សាវ សុភក្ដីអធិការនគរបាលស្រុកសាមគគីមុនីជ័យ បានបន្តឃាត់ខ្លួនជនសង្ស័យបានចំនួន ៤ នាក់បន្ថែមទៀត ៖
១. ឈ្មោះ ងាន ធូ ភេភេទប្រុស អាយុ៣៦ឆ្នាំ ២.ឈ្មោះ ជិន សុផល ភេទប្រុស អាយុ២៣ឆ្នាំ ៣.ឈ្មោះ ជិន ផុន ភេទប្រុស អាយុ២០ឆ្នាំ អ្នកទាំងបីររស់នៅភូមិពងទឹក ឃុំដំណាក់រាំង ស្រុកសាមគ្គីមុនីជ័យ ៤.ឈ្មោះផាត រតនា ភេទប្រុស អាយុ១៦ឆ្នាំរស់នៅភូមិទួលសំបូរ ឃុំដំណាក់រាំង ស្រុកសាមគ្គីមុនីជ័យ និងបានឆែកឆេររកឃេីញសម្ភារៈមួយចចំនួន=ម្សៅក្រាមពណ៌សសង្ស័យជាគ្រឿងញៀនចំនួន ១៤ កញ្ចប់ – ទូរស័ព្ទដៃចំនួន ៣ គ្រឿង – ជញ្ចឹងអេឡិចត្រូនិច ១ គ្រឿង- បារីអេឡិចត្រូនិច (YOOZ) ១ គ្រឿង – ម៉ូតូចំនួន ៣ គ្រឿង – កាំបិតចំនួន ៦ ដើម – ដាវចំនួន ២ ដើម – កាំភ្លើងកែច្នៃប្រើខ្យល់ចំនួន ០៤ ដើម – ឧបករណ៍កែច្នៃសម្រាប់ប្រើប្រាស់គ្រឿងញៀនមួយចំនួន។
ករណីខាងលេី បានបញ្ជូនជនសង្ស័យនិងវត្ថុតាងមកកាន់អធិការដ្ឋាននគរបាលស្រុកសាមគ្គីមុនីជ័យ កសាងសំណុំរឿងបញ្ជូនទៅការិយាល័យ ដេីម្បីបន្ដ៕
