ភ្នំពេញ៖​ ស្ត្រីម្នាក់បានស្លាប់ភ្លាមៗនៅកន្លែងកេីតហេតុចំណែកក្មួយប្រុសរងរបួសក្រោយពីជួបគ្រោះថ្នាក់ចរាចរណ៍ជិះម៉ូតូឌុបគ្នារអិលដីខ្សាច់ដួលត្រូវរថយន្តធន់ធំបេីកមកពីក្រោយកិន​ កាលពីវេលាម៉ោង៤ល្ងាចថ្ងៃទី ៣០ ខែធ្នូ ឆ្នាំ ២០២៥​ ស្ថិតនៅ ផ្លូវបេតុង ភូមិស្រែក្នុង សង្កាត់កន្ទោក ខណ្ឌកំបូល រាជធានីភ្នំពេញ ។

ជនរងគ្រោះឈ្មោះតុប  សារ៉េត ភេទស្រីអាយុ៦៨ឆ្នាំ មុខរបរនៅផ្ទះ មានទីលំនៅបុរីភពថ្មីគម្រោង៣ ភូមិស្ងួនពេជ្រ សង្កាត់កន្ទោក ខណ្ឌកំបូ និងមានស្រុកកំណើតនៅខេត្តតាកែវ ។ 

តាមប្រភពព័ត៌មានបាន្យដឹងថា​ មុនពេលកេីតហេតុគេបានឃេីញមីងក្មួយ២នាក់ជិះម៉ូតូស្កូបពី ពណ៌ស ពាក់ផ្លាកលេខ កំពង់ធំ 1R-4000 ឌុបគ្នាធ្វេីដំណេីរតាមបណ្តោយផ្លូវបេតុង​ ក្នុងទិសដៅពីកេីតទៅលិច​ ខណៈមកដល់ចំណុចកេីតហេតុក៏បានបត់ស្តាំរអិលដីខ្សាច់ដួលទៅនិងថ្នល់ភ្លាមនោះមានរថយន្តដឹកទំនិញម៉ាក FUSO ពាក់ផ្លាកលេខ ព្រះសីហនុ 3A-1932 បេីកមកពីក្រោយបានកិនមីងស្លាប់ភ្លាមៗឯក្មួយប្រុសអ្នកឌុបរងរបួស ។ 

ក្រោយកេីតហេតុសមត្ថកិច្ចមូលដ្ឋានបានសហការជាមួយនគរបាលជំនាញចរាចរចុះវាស់វែងអូសយកម៉ូតូនិងរថយន្តទៅរក្សាទុកនៅការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយនាពេលក្រោយ ចំណែកសពត្រូវបានប្រគល់ជូនសាច់ញាតិយកទៅធ្វេីបុណ្យតាមប្រពៃណី៕ដោយ៖សុខាសែនជ័យ