ខេត្តស្វាយរៀង: តុលាការខេត្តបានបញ្ជូនជនសង្ស័យ៣នាក់ដាក់ពន្ធនាគារបណ្ដោះអាសន្នពាក់ព័ន្ធករណីចរាចរណ៍អាវុធសម្រាប់ប្រហាផ្សេងទៀតនៅក្រុងបាវិត។
នគរបាលខេត្តស្វាយរៀងបានអោយដឹងនៅល្ងាចថ្ងៃទី៨ ខែមករា ឆ្នាំ២០២៦នេះថា ជនសង្ស័យទី១-ឈ្មោះរស់ វាសនា ភេទប្រុស អាយុ១៩ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិ កំពោតប្រស់ សង្កាត់ច្រកម្ទេស ក្រុងបាវិត (ម្ចាស់កាំបិតប៉័ងតោ), ទី២-ឈ្មោះតឹក ឆេនចាន់នុរៈ ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិសែនត ឃុំចន្រ្ទា ស្រុកចន្រ្ទា (ម្ចាស់កាំបិតនិងថ្ម១ដុំ)។ ទី៣មានឈ្មោះ សេ មករា ភេទប្រុស អាយុ១៦ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិគោកតែក ឃុំចន្រ្ទា ស្រុកចន្រ្ទា ។
ប្រភពបន្តថា នៅចំណុចលេីផ្លូវជាតិលេខ១ ខាងមុខបុរីCK ស្ថិតនៅភូមិតាពៅ សង្កាត់បាវិត ក្រុងបាវិត កាលពីវេលាម៉ោង៣ទៀបភ្លឺឈានចូលថ្ងៃទី១ ខែមករា ឆ្នាំ២០២៦ កម្លាំងជំនាញនៃអធិការដ្ឋាននគរបាលក្រុងបាវិត សហការជាមួយក្រុមបង្កាបង្រ្កាបបទល្មើសផ្សេងៗប្រចាំក្រុងបាវិតបានឃាត់ខ្លួនជនសង្ស័យ៣នាក់ពាក់ព័ន្ធ ករណីធ្វើចរាចរណ៍អាវុធសម្រាប់ប្រហារផ្សេងទៀត ដើម្បីសាកសួរ ។
នៅចំពោះមុខសមត្ថកិច្ច ជនសង្ស័យឈ្មោះ រស់ វាសនា និងឈ្មោះតឹក ឆេនចាន់នុរៈ បានឆ្លើយសារភាពថា ពួកខ្លួនពិតជាបានដាក់កាំបិតតាមខ្លួនប្រាកដមែន ក្នុងគោលបំណងទុកការពារខ្លួន។ វត្ថុតាងដែលសមត្ថកិច្វដកហូតរួមមានកាំបិតប៉័ងតោចំនួន២ដេីម, ថ្ម១ដុំ, ម៉ូតូ ១គ្រឿងម៉ាកHONDA DREAM ស៊េរីឆ្នាំ២០២៥ ពណ៌ខ្មៅ ពាក់ផ្លាកលេខស្វាយរៀង1V-9087 ៕ 
ដោយ៖ សុថាន
