ខេត្តព្រះសីហនុ÷ ករណីគ្រោះថ្នាក់ចរាចរណ៍មួយបានកើតឡើងលើកំណត់ផ្លូវជាតិលេខ 4 ក្នុងភូមិសាស្ត្រក្រុងកំពង់សោមបណ្ដាលឲ្យមនុស្សបីនាក់បានស្លាប់។
មន្ត្រីនគរបាលក្រុងកំពង់សោមឲ្យដឹងថា នៅថ្ងៃទី១២ ខែមករា ឆ្នាំ២០២៦ វេលាម៉ោង០៣ទៀបភ្លឺ លេីផ្លូវជាតិលេខ៤ចន្លោះគីឡូម៉ែត្រ១៩២-១៩៣ ក្នុងភូមិអូរតាប៉ាង សង្កាត់អូរឧកញ៉ាហេង ក្រុងកំពង់សោម ខេត្តព្រះសីហនុ មានគ្រោះថ្នាក់ចរាចរណ៍មួយកេីតឡេីង រវាងរថយន្តដឹកផ្លែឈេី១គ្រឿងម៉ាក SSANGYONG ពណ៌ ស បើកបរដោយឈ្មោះ ម៉េង ភេទប្រុស អាយុ២៣ឆ្នាំ ស្នាក់នៅស្រុកគិរីវង់ ខេត្តតាកែវ មានអ្នករួមដំណេីរចំនួន ២នាក់៖ ឈ្មោះ សុខ ជា ភេទប្រុស អាយុ៤៣ឆ្នាំ ស្នាក់ស្រុកគិរីវង់ ខេត្តតាកែវ និងឈ្មោះ ជីវ៉ា ភភេទប្រុស។
រថយន្តសាំយ៉ុងមានទិសដៅពីភ្នំពេញ ឆឆឆ្ពោះមកខេត្តព្រះសីហនុ។ លុះដល់ចំណុចខាងលេីបានជ្រុលចង្កូតមកខាងស្ដាំដៃបុកពីខាងក្រោយ រថយន្តធុនធ្ងន់ ១ គ្រឿង ម៉ាក SHACMAN លេខ ភ្នំពេញ3 G-40 63 (អ្នកបើកបរ មិនទាន់ស្គាល់អត្តញ្ញាណ) ដែលឈប់ចតនៅជាយផ្លូវ ទិសដៅស្របគ្នា បណ្តាលឲ្យមនុស្ស៣នាក់ក្នុងរថយន្តដឹកផ្លែឈើ ស្លាប់ទាំងអស់គ្នានៅនឹងកន្លែងកេីតហេតុ ។
បច្ចុប្បន្នសាកសពជនរងគ្រោះទាំងអស់សមត្ថកិច្ចកំពុងស្វែងរកក្រុមគ្រួសារ រីឯវត្ថុតាង រថយន្ត ២គ្រឿង បានយកមករក្សាទុកនៅអធិការដ្ឋាននគរបាលក្រុងកំពង់សោម៕
