ខេត្តកំពង់ស្ពឺ÷ដោយអនុវត្ដតាមការបញ្ជាដឹកនាំពីលោកឧត្ដមសេនីយ៍ត្រី ឃឹម សុកខៃ ស្នងការនគរបាលខេត្ដកំពង់ស្ពឺ និងបានការណែនាំពីជំនាញព្រហ្មទណ្ឌនៃស្នងការដ្ឋាននគរបាលខេត្ដកំពង់ស្ពឺ និងប្រធានគណៈបញ្ជាការឯកភាពស្រុកគងពិសី លោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បានដឹក នាំបញ្ជាផ្ទាល់លេីកិច្ចការចុះស្រាវជ្រាវករណីបង្កហឹង្សាមួយ ក្នុងពិធិសេរីជ័យមង្គល កូនប្រុស-ស្រីស្ថិតនៅក្នុងភូមិប្រវឹកពង ឃុំទឹកល្អក់ ស្រុកគងពិសី ខេត្ដកំពង់ស្ពឺ កាលពីយប់ថៃ្ងទី១៣ ខែមករា ឆ្នាំ២០២៦ ដែលមាន ហេតុការណ៍ដ៏កក្រេីកមួយបានបង្កហិង្សាឡេីងដោយភ្ញៀវអ្នកដន្លងខាងប្រុសនិងអ្នកដន្លងខាងស្រី ធ្វើ សកម្មភាពវៃគ្នាក្នុងពិធីវង់រាំកម្សាន្ដ នឹងគុបកែវចានដប ដាក់គ្នាទៅវិញទៅមកបណ្តាលឱ្យមានរបួសលេីភ្ញៀវកិត្ដិយសអ្នកចូលរួមមួយចំនួនដែលកំពុងតែអញ្ជេីញផ្ដល់ជាវត្ដមានធិបតីក្នុងពិធីដ៏សែនផ្អែមល្ហែមរវាងគូរស្នេហ៍ ភរិយាថ្មោងថ្មី មួយគូនេះ ។
ប្រតិបត្ដិការស្រាវជ្រាវសមត្ថកិច្ចឈានទៅកំណត់បាន
មុខសញ្ញាមួយចំនួននិងបានអញ្ជេីញយកមកសាកសួរនៅអធិការដ្ឋាននគរបាលស្រុកគងពិសី ៖
ភាគីមកពីខាងអ្នកដន្លងប្រុស
(១)-ឈ្មោះ ជិន សារ៉ុម ភេទប្រុស អាយុ២៤ឆ្នាំ នៅព្រៃពង្រ ឃុំរកាកោះ ស្រុកគងពិសី ខេត្តកំពង់ស្ពឺ រងរបួសបែកក្បាលដោយសារតែ កែវ ចាន ដប ហោះ ។
(២)-ឈ្មោះ ម៉ន ប៊នឡុង ភេទប្រុស កើតឆ្នាំ២០០៤ រស់នៅភូមិអណ្ដូងទឹក ឃុំលំហាច ស្រុកអង្គស្នួល ខេត្ដកណ្ដាល ។
ភាគីមកពីខាងអ្នកដន្លងស្រី
(១)-ឈ្មោះ ជា សារ៉េម ភេទប្រុសអាយុ៣៨ឆ្នាំ នៅភូមិប្រវឹកពង ឃុំទឹកល្អក់ ស្រុកគងពិសី ខេត្តកំពង់ស្ពឺ ត្រូវមួយកណ្ដាប់ដៃរន្ទះ ។
(២)-ឈ្មោះ ជា សារ៉ុន ភេទប្រុស អាយុ៣៧ឆ្នាំ នៅភូមិប្រវឹកពង ឃុំទឹកល្អក់ ស្រុកគងពិសី រងរបួសផ្ទៃមុខដោយសារតែគេចមិនទាន់ ។
ក្នុងហេតុការណ៍រីករាយសប្បាយក្អាកក្អាយ ប្រែមកជារឿងអាប់អួរពពកខ្មៅមីដេរដាស ហើយសមត្ថកិច្ចបានចុះអន្ដរាគមន៍ដល់កន្លែងកើតហេតុប៉ុតែក្រុមប្រយុទ្ធ បានរត់ចែកជេីងបែកគ្នាទៅផ្ទះរៀងខ្លួនអស់ បន្ទាប់ពីបេីកឆាកប្រយុទ្ធគ្នាចប់..។
បក្ខពួករត់គេចខ្លួនរួមមាន
១. ឈ្មោះ ឡៅ ស៊ូលាំង ភេទប្រុស អាយុ ១៧ឆ្នាំព្រៃពង្រ ឃុំរការកោះ ស្រុកគងពិសី
២.ឈ្មោះ ស៊ឹម សុខវិសាល ហៅ ជូ ភេទប្រុស អាយុ ២៦ឆ្នាំ រស់នៅភូមិព្រៃពង្រ ឃុំរការកោះ ស្រុកគងពិសី
៣.ឈ្មោះ ហេង ឈៀវ ភេទប្រុស អាយុ២៩ឆ្នាំ រស់នៅភូមិព្រៃពង្រ ឃុំរការកោះ ស្រុកគងពិសី
៤.ឈ្មោះ នឹម ចាន់ណារួត ភេទប្រុស អាយុ ២១ឆ្នាំ រស់នៅភូមិអង្គមេត្រី ឃុំរលាំងគ្រើល ស្រុកសំរោងទង
៥.ឈ្មោះ ហួត ចន្ទ្រា ភេទប្រុស អាយុ១៨ឆ្នាំ រស់នៅភូមិកំណប់ ឃុំរលាំងគ្រើល ស្រុកសំរោងទង
៦.ឈ្មោះ នួន នាងភិរម្យ ភេទប្រុស អាយុ ២០ឆ្នាំ រស់នៅភូមិអង្គមេត្រី ឃុំរលាំងគ្រើល ស្រុកសំរោងទង
(៧)-ឈ្មោះ ថុង កែវឡាយ ភេទប្រុស អាយុ ២០ឆ្នាំ រស់នៅភូមិព្នៅ ឃុំព្រៃញាតិ ស្រុកគងពិសី ។
(៨)-ឈ្មោះ យ៉ន វណ្ឌី ភេទប្រុស អាយុ ២៦ឆ្នាំ រស់នៅភូមិប្រវឹកពង ឃុំទឹកល្អក់ ស្រុកគងពិសី ។
ករណីខាងលេី មានការតវ៉ាទាមទារសំណងពីភាគីពាក់ព័ន្ធជាច្រេីនដូចជាតន្រ្ដីសម័យ,ម្ចាស់រោង រីឯជនសង្ស័យទាំង ៤នាក់ខាងលេី ក្រោយការសាកសួរ នៅអធិការដ្ឋាននគរបាលស្រុកកសាងសំណុំរឿងបញ្ជូនទៅការិយាល័យព្រហ្មទណ្ឌខេត្ដដេីម្បីចំណាត់ការតាមនីតិវិធី ៕
