អន្តរជាតិ : ក្នុងរយៈពេលប៉ុន្មានថ្ងៃកន្លងទៅនេះ ស្ថានទូតនិងស្ថានកុងស៊ុលចិនប្រចាំនៅប្រទេសជាច្រើនបានរៀបចំពិធីបដិសណ្ឋារកិច្ចដើម្បីអបអរសាទរបុណ្យចូលឆ្នាំថ្មីប្រពៃណីចិន។
ស្ថានទូតចិនប្រចាំប្រទេសឡាវបានរៀបចំពិធីបដិសណ្ឋារកិច្ចយ៉ាងឱឡារិកនៅទីក្រុងវៀងចន្ទន៍ ដើម្បីអបអរសាទរបុណ្យចូលឆ្នាំថ្មីប្រពៃណីចិន និងខួប ៦៥ ឆ្នាំនៃការបង្កើតទំនាក់ទំនងការទូតរវាងចិន និងឡាវ និង “ឆ្នាំមិត្តភាពចិន-ឡាវ”។
ស្ថានទូតចិនប្រចាំប្រទេសម៉ាឡេស៊ី បានរៀបចំពិធីបដិសណ្ឋារកិច្ចដើម្បីអបអរសាទរបុណ្យចូលឆ្នាំថ្មីប្រពៃណីចិន ដោយមានការចូលរួមពីសំណាក់ភ្ញៀវកិត្តិយសជាងមួយពាន់នាក់ ។ ភ្ញៀវកិត្តិយសគ្រប់រូបបានសម្តែងការជូនពរប្រទេសចិន និងម៉ាឡេស៊ីឲ្យមានវិបុលភាព និងមិត្តភាពយូរអង្វែង។
ស្ថានទូតចិនប្រចាំប្រទេសអាល្លឺម៉ង់ និងស្ថានកុងស៊ុលចិនប្រចាំទីក្រុងមុយនិច បានរៀបចំពិធីបដិសណ្ឋារកិច្ចដើម្បីអបអរសាទរបុណ្យចូលឆ្នាំថ្មីប្រពៃណីចិនដោយឡែកពីគ្នា សិល្បករចិន និងអាល្លឺម៉ង់បានរួមគ្នាសម្តែងសិល្បៈដ៏អស្ចារ្យដែលបង្ហាញពីលក្ខណៈពិសេសនៃវប្បធម៌របស់ប្រទេសទាំងពីរ។ កម្មវិធី “ធ្វើដំណើរនៅប្រទេសចិនតាមរយៈខ្សែភាពយន្ត” និងវីដេអូផ្សព្វផ្សាយកម្មវិធីរាត្រីសមោសរអបអរសាទរបុណ្យចូលឆ្នាំថ្មីប្រពៃណីចិនឆ្នាំ២០២៦របស់CMG ក៏ត្រូវបានចាក់ផ្សាយនៅក្នុងព្រឹត្តិការណ៍នេះផងដែរ ៕ 
ប្រភព : (CCFR)
