ខេត្តបាត់ដំបង÷ កាលពីថ្ងៃទី១៣ ខែកុម្ភៈ ឆ្នាំ២០២៦ វេលាម៉ោង ២២:១០នាទី នៅចំណុចភូមិកម្មករ សង្កាត់ ស្វាយប៉ោ ក្រុងបាត់ដំបង ខេត្តបាត់ដំបង ស្របតាមអនុសាសន៍ នាយ ឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលទិសដឹកនាំរបស់លោកឧត្តម សេនីយ៍ទោ ដាញ់ អេងប៊ុនចាន់ស្នងការនៃស្នងការដ្ឋាននគរ បាលខេត្តបាត់ដំបង លោកវរសេនីយ៍ឯក សុខ និមល ស្នងការរងផែនការងារប្រឆាំងគ្រឿងញៀន បានដឹកនាំកម្លាំងការិយាល័យប្រឆាំងគ្រឿងញៀនបង្រ្កាប
ករណី រក្សាទុកដោយខុសច្បាប់សារធាតុញៀន១ករណី ក្នុងបទល្មើសជាក់ស្តែង និងឃាត់ខ្លួនជនសង្ស័យបានចំនួន២នាក់ ស្រី១ នាក់ មានឈ្មោះដូចខាងក្រោម៖
១-ឈ្មោះ សែម បូរ៉ា ហៅ គោ ភេទប្រុស អាយុ៣១ឆ្នាំ មានទី លំនៅភូមិអង់ សង្កាត់អូរចារ ក្រុងបាត់ដំបង ខេត្តបាត់ដំបងនិង២-ឈ្មោះ លាង សុផាលីតា ភេទស្រី អាយុ២៩ឆ្នាំ មានទីលំ នៅភូមិបាឡាត់ ឃុំនរា ស្រុកសង្កែ ខេត្តបាត់ដំបង ។
-វត្ថុតាងដកហូតបានរួមមាន៖
-ថ្នាំញៀនប្រភេទមេតំហ្វេតាមីន (ម៉ាទឹកកក ICE)ចំនួន០៣ថង់
-ទូរស័ព្ទដៃចំនួន ០២គ្រឿង (ចាស់)
-សម្ភារសម្រាប់ប្រើប្រាស់ថ្នាំញៀនមួយចំនួន ។
គួរបញ្ជាក់ថាឈ្មោះ សែម បូរ៉ា ហៅ គោ មានដីកាបង្គាប់ឱ្យចាប់ខ្លួនលេខ ៨៩ ថ្ងៃទី២ ខែកុម្ភៈឆ្នាំ២០២៦ របស់ចៅក្រមស៊េីបសួរនៃសាលាដំបូងខេត្តបាត់ដំបងពីបទ ជួញដូរដោយខុសច្បាប់នូវសារធាតុញៀន ប្រព្រឹត្តនៅចំណុចភូមិស្រះកែវ ឃុំកំពង់ព្រះ ស្រុកសង្កែ ខេត្ត បាត់ដំបង កាលពីថ្ងៃទី២៩ ខែធ្នូ ឆ្នាំ២០២៥ ។
ជនសង័្សយនិងវត្ថុតាងបច្ចុប្បន្នបាននឹងកំពុងរៀបចំសំណុំរឿងបញ្ជូនទៅតុលាការអនុវត្តតាមផ្លូវច្បាប់៕
