ភ្នំពេញ៖ ថ្ងៃទី២០ ខែកុម្ភៈ ឆ្នាំ២០២៦ ជាថ្មីម្តងទៀតក្រសួងអប់រំ យុវជន និងកីឡាសូមគោរពថ្លែងអំណរគុណយ៉ាងជ្រាលជ្រៅដល់ វិទ្យាស្ថានបច្ចេកវិទ្យាកម្ពុជា ដែលបានចូលរួមចំណែកជាថវិកាបន្ថែមចំនួន ៥ ០០០ ០០០រៀល (ប្រាំលានរៀល) ក្នុងមូលនិធិសាមគ្គីក្រសួងអប់រំ យុវជន និងកីឡា ដើម្បីឧបត្ថម្ភគាំទ្របុគ្គលិកអប់រំដែលរងផលប៉ះពាល់ពីជម្លោះព្រំដែនជាមួយប្រទេសថៃនាពេលកន្លងមក។

សូមអំពាវនាវដល់គ្រឹះស្ថានសិក្សាសាធារណៈនិងឯកជនព្រមទាំងបុគ្គលិកអប់រំទាំងអស់ចូលរួមឧបត្ថម្ភគាំទ្របុគ្គលិកអប់រំដែលផ្ទះសម្បែងត្រូវបានបំផ្លិចបំផ្លាញនិងហ៊ុមព័ទ្ធដោយយោធាថៃនៅតាមបណ្តោយព្រំដែន តាមរយៈមូលនិធិសាមគ្គីក្រសួងអប់រំ យុវជន និងកីឡា ដើម្បីបង្ហាញពីសាមគ្គីភាពគ្រួសារអប់រំកម្ពុជា៕

ដោយ : សិលា