ភ្នំពេញ៖ នៅព្រឹកថ្ងៃព្រហស្បតិ៍ ទី ២៦ ខែកុម្ភៈ ឆ្នាំ ២០២៦នេះ តម្លៃហាងឆេងមាសបានហក់ឡើងវិញរហូតដល់ ៦២៥៥ ដុល្លារ ក្នុងមួយតម្លឹង បន្ទាប់ពីបានធ្លាក់ចុះក្រោម ៦ ០០០ដុល្លារ ក្នុងមួយតម្លឹងកាលពីសប្ដាហ៍មុន។
បើតាមប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន PP Link securities លោក ឡុង សំណាង បានលើកឡើងថា កំណើននៃការទិញលើតម្លៃហាងឆេងមាសពីបណ្ដាវិនិយោគិនធំៗនៅលើពិភពលោកបានធ្វើឱ្យតម្លៃមាសកើនឡើង ខណៈកំណើននៃការប្ដូរប្រាក់ដុល្លារ នៅក្នុងរូបិយបណ្ណអឺរ៉ូប ហើយនិងប្រាក់យ៉េនបានធ្លាក់ចុះខ្លាំងក៏ជាកត្តាធ្វើឱ្យមាសកើនឡើង។
និន្នាការតម្លៃហាងឆេងមាសអាចនឹងកើនឡើងដល់ ៧០០០ ដុល្លារ ក្នុងមួយតម្លឹងត្រឹមពាក់កណ្ដាលឆមាសទី១ ឆ្នាំ ២០២៦។ ប៉ុន្តែមុននឹងមានការកើនឡើង ហាងឆេងមាសអាចនឹងមានការធ្លាក់ចុះវិញនៅអំឡុងឆមាសទី១ ឆ្នាំ ២០២៦ នេះ៕
ដោយ៖តារា
