ភ្នំពេញ÷ ដោយអនុវត្តតាមផែនការដឹកនាំរបស់ ឯកឧត្តម ឧត្ដមសេនីយ៍ ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងក្រាមការណែនាំពីលោក ឃឹម ស៊ុនសូដា អភិបាលនៃគណៈអភិបាលខណ្ឌកំបូលគឺការចុះត្រួតពិនិត្យអាវុធជាតិផ្ទុះនៅគោលដៅលេីផ្លូវជាតិក្នុងមូលដ្ឋានខណ្ឌកំបំបូលត្រូវបានធ្វើជាចាំដើម្បីទប់ស្កាត់រាល់បទល្មើសផ្សេងៗដែលអាចកើតមាននិងដើម្បីការពារសុខសុវត្តិភាពជូនប្រជាពលរដ្ឋក្នុងមូលដ្ឋានក៏ដូចជាអ្នកឆ្លងកាត់។

ជាក់ស្តែងនៅយប់ថ្ងៃទី៣ ខែមីនា​ ឆ្នាំ២០២៦ កម្លាំងអធិការដ្ឋាននគរបាលខណ្ឌកំបូល បានសហការជាមួយគណៈបញ្ជាការឯកភាព រដ្ឋបាលខណ្ឌកំបូល បានចុះត្រួតពិនិត្យអាវុធជាតិផ្ទុះនៅគោលដៅលេីផ្លូវជាតិលេខ៤​ ត្រង់ចំណុចមុខសាលាសង្កាត់កន្ទោក ស្ថិតនៅក្នុងភូមិព្រៃបឹង សង្កាត់កន្ទោក ខណ្ឌកំបូល រាជធានីភ្នំពេញ។

ប្រភពពីសមត្ថកិច្ចដែលបានចុះអនុវត្តផ្ទាល់បានឲ្យដឹងថាការចុះត្រួតពិនិត្យអាវុធជាតិផ្ទុះនិងត្រួតពិនិត្យបទល្មើសផ្សេងៗនៅយប់នេះគឺមានអ្វីគួឲ្យកត់សម្គាល់នោះទេ ហើយក្នុងយានយន្តឆ្លងកាត់សរុបរួមចំនួន ៤៦គ្រឿង ក្នុងនោះដែសមត្ថកិច្ចនិងអាជ្ញាធរខណ្ឌកំបូលក៏សូមអំពាវនាវអោយបងប្អូនប្រជាពលរដ្ឋទាំងត្រូវចូលរួមគោរពច្បាប់ទាំងអស់គ្នា៕ ដោយ÷ចន្ទ លីហ្សា