ភ្នំពេញ៖ ជនសង្ស័យម្នាក់ក្នុងចំណោមបក្ខពួក២នាក់ត្រូវបានកម្លាំងនគរបាលខណ្ឌពោធិ៍សែនជ័យសហការជាមួយនគរបាលប៉ុស្តិ៍ចោមចៅធ្វើការឃាត់ខ្លួនពាក់ព័ន្ធករណីចែកចាយនិងប្រើប្រាស់គ្រឿងញៀន ប៉ុន្តែសមត្ថកិច្ចពុំបានរកឃើញថ្នាំញៀននោះទេ។

ករណីចុះបង្ក្រាបនេះធ្វើឡើងកាលពីវេលាម៉ោង២ និង៣០នាទីរសៀល ថ្ងៃទី១៥ ខែកញ្ញាឆ្នាំ ២០១៦ នៅតាមបណ្តោយផ្លូវបេតុង ភូមិថ្មគោល សង្កាត់ចោមចៅ ខណ្ឌពោធិ៍សែនជ័យ។

វត្ថុតាងដែលចាប់យករួមមាន៖ សម្ភារសម្រាប់វេចខ្ចប់គ្រឿងញៀន និងលុយខ្មែរមួយចំនួន រីឯបក្ខពួកម្នាក់ទៀតគេចខ្លួនបាត់។

បច្ចុប្បន្នជនសង្ស័យរួមទាំងវត្ថុតាងខាងលើកំពុងធ្វើការសាកសួរ និងស្រាវជ្រាវដើម្បីតាមចាប់បក្ខពួកម្នាក់ទៀតយកមកផ្តន្ទាទោសតាមច្បាប់៕

ដោយ៖ សុខាសែនជ័យ