ខ្សែប្រយុទ្ធ Igor Thiago របស់ ក្លឹប Brentford និងខ្សែបម្រើស្លាបRayanរបស់ Bournemouth  បានទទួលការហៅឱ្យចូលរួមក្រុមប្រេស៊ីលជាលើកដំបូងសម្រាប់ការប្រកួតមិត្តភាពរបស់ពួកគេជាមួយបារាំង និងក្រូអាតនៅចុងខែនេះ។

 

Thiago គឺជាអ្នកស៊ុតបញ្ចូលទីបានច្រើនជាងគេទីពីរនៅអង់គ្លេស Premier League ក្នុងរដូវកាលនេះ ដោយមាន 19 គ្រាប់តាមពីក្រោយតែកីឡាករ Erling Haaland របស់ Manchester City ដែលមាន 22 គ្រាប់ ដោយគ្រាប់បាល់របស់គាត់បានជួយឱ្យ Brentford ឈរនៅចំណាត់ថ្នាក់ទី 7 ក្នុងតារាង។

 

កីឡាករវ័យ 24 ឆ្នាំរូបនេះបានចូលរួមជាមួយក្លឹប ក្នុងតម្លៃកំណត់ត្រារបស់ Brentford 30 លានផោនក្នុងខែកក្កដា ឆ្នាំ 2024 ពីក្លឹប Club Brugge ប៉ុន្តែមិនបានស៊ុតបញ្ចូលទីក្នុងរដូវកាលដំបូងរបស់គាត់ជាមួយក្លឹប ដោយសាររបួសដោយបានបង្ហាញខ្លួនចំនួន 8 ដងប៉ុណ្ណោះ។

 

Rayan វ័យ 19 ឆ្នាំបានចូលរួមជាមួយ Bournemouth ក្នុងខែមករាក្នុងតម្លៃ 24.7 លានផោន ពី Vasco de Gama និងបានស៊ុតបញ្ចូលទីបានពីរគ្រាប់នៅ Premier League ។

 

ប្រេស៊ីលត្រូវជួបជាមួយបារាំងនៅថ្ងៃទី 26 ខែមីនានៅទីក្រុងបូស្តុន មុនពេលប្រកួតជាមួយក្រូអាតនៅទីក្រុង Orlando នៅថ្ងៃទី 31 ខែមីនា ជាមួយនឹងការប្រកួតចុងក្រោយរបស់ពួកគេមុនពេល លោក Ancelotti ដាក់ឈ្មោះជម្រើសរបស់គាត់ក្នុងការប្រកួត World Cup ។

 

Gabriel Sara អតីតខ្សែប្រយុទ្ធក្រុម Norwich  ក៏ត្រូវបានជ្រើសរើសជាលើកទីមួយដែរ ប៉ុន្តែបានបាត់ខ្សែប្រយុទ្ធជើងចាស់ Neymar ។

 

ខ្សែប្រយុទ្ធ Endrick ត្រូវបានកោះហៅមកវិញ បន្ទាប់ពីបានបង្ហាញខ្លួនជាអន្តរជាតិចុងក្រោយ 14 លើកកាលពីឆ្នាំមុន។

 

កីឡាករវ័យ 19 ឆ្នាំរូបនេះបានចូលរួមជាមួយ Lyon ក្នុងលក្ខខណ្ឌខ្ចីជើងពី Real Madrid សម្រាប់ពាក់កណ្តាលរដូវកាលនេះ ហើយបានស៊ុតបញ្ចូលទី Hat-trick ទល់នឹង Metz ក្នុងការបង្ហាញខ្លួនជាលើកទីពីររបស់គាត់សម្រាប់ក្លឹប។

 

ម្ចាស់ជើងឯកពិភពលោក 5 សម័យកាលប្រេស៊ីលចាប់ផ្តើមយុទ្ធនាការ World Cup របស់ពួកគេទល់នឹងម៉ារ៉ុកក្នុងរដ្ឋ New Jersey នៅថ្ងៃទី 13 ខែមិថុនា ហើយនឹងជួបជាមួយ ហៃទី និង ស្កុតឡែន ក្នុងពូល C ផងដែរ។

 

ក្រុមប្រេស៊ីល

 

អ្នកចាំទី៖ Alisson (Liverpool), Bento (Al-Nassr), Ederson (Fenerbahce)

 

ខ្សែការពារ៖ Alex Sandro (Flamengo), Bremer (Juventus), Danilo (Flamengo), Douglas Santos (Zenit Saint-Petersburg), Gabriel Magalhaes (Arsenal), Ibanez (Al-Ahli), Leo Pereira (Flamengo), Marquinhos (Paris St-Germain), Wes

 

ខ្សែបម្រើ៖ Andrey Santos (Chelsea), Casemiro (Manchester United), Danilo (Botafogo), Fabinho (Al-Ittihad), Gabriel Sara (Galarasaray)

 

ខ្សែប្រយុទ្ធ៖ Endrick (Lyon), Gabriel Martinelli (Arsenal), Igor Thiago (Brentford), Joao Pedro (Chelsea), Luiz Henrique (Zenit Saint-Petersburg), Matheus Cunha (Manchester United), Raphinha (Barcelona), Rayan (Bournemouth), Vinicius Jr (Real Madrid)៕