ភ្នំពេញ៖ នៅវេលាម៉ោង១០យប់ថ្ងៃទី១៥ ខែកញ្ញា ឆ្នាំ២០១៦ កម្លាំងអធិការដ្ឋាននគរបាលខណ្ឌ រួមជាមួយកម្លាំងប៉ុស្តិ៍ភ្នំពេញ បានចុះបង្ក្រាបទីតាំងបើកល្បែង ហ្គេមបាញ់ត្រី ក្រុមទី១៣ ភូមិគោកឃ្លាង សង្កាត់ភ្នំពេញថ្មី ដោយមានការឯកភាពពីលោកព្រះរាជអាជ្ញារង ចែ សុង បានឃាត់ខ្លួនមនុស្សចំនួន៤នាក់ មានទី១ឈ្មោះលឹម សុធី ភេទប្រុស អាយុ ៣៥ឆ្នាំ មុខរបរបុគ្គលិកហ្គេមបាញ់ត្រី ទី២ឈ្មោះហ៊ុល សៅ ភេទប្រុស អាយុ៣១ឆ្នាំ មុខរបរលក់ដូរ ទី៣ឈ្មោះសាយ ចន្ថា ភេទប្រុស អាយុ២២ឆ្នាំ មុខរបរបុគ្គលិកហ្គេមបាញ់ត្រី ទី៤ឈ្មោះយ័ន តេង ភេទប្រុស អាយុ២៩ឆ្នាំ មុខរបរបុគ្គលិកហ្គេមបាញ់ត្រី និងចាប់យកទូហ្គេមបាញ់ត្រី២ទូ និងឧបករណ៍ជក់គ្រឿងញៀនមួយចំនួន។

បច្ចុប្បន្នជនសង្ស័យខាងលើរួមទាំងវត្ថុតាងកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌសែនសុខ៕

ដោយ៖ តុង សីហា