ភ្នំពេញ ៖ ជនសង្ស័យម្នាក់ជាអ្នកជួលបន្ទប់ស្នាក់មួយកន្លែងក្នុងភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ បានយកកាំបិតចុងស្រួចដេញចាក់ សម្លាប់ទៅលើបុរសវ័យ ចំណាស់ម្នាក់ជាម្ចាស់ផ្ទះ បណ្តាលឲ្យស្លាប់ក្នុងថ្លុកឈាម ហើយជនសង្ស័យបានរត់គេចខ្លួនបាត់ស្រមោល បង្កការភ្ញាក់ផ្អេីលដល់អាជ្ញាធរមូលដ្ឋាន និងមន្ត្រីជំនាញចុះមកពិនិត្យ កាលពីវេលាម៉ោង ៧:៣០នាទីយប់ ថ្ងៃទី២៦ ខែមីនា ឆ្នាំ២០២៦ ។
យោងតាមប្រភពព័ត៌មានពីអ្នករស់នៅផ្ទះជួលក្បែរគ្នាបានឲ្យដឹងថា ដោយបុរសជាជនសង្ស័យមកជួលបន្ទប់ស្នាក់នៅជាមួយប្រពន្ធនិងកូនរយៈពេលជិត១០ឆ្នាំមកហើយ រួចតែងតែផឹកសុីរំខានដល់ទៅដល់អ្នកជួលបន្ទប់ក្បែរគ្នាជាច្រើនដង ខណៈម្ចាស់ផ្ទះតែងតែដើរទៅប្រាប់បុរសជនសង្ស័យជាច្រើនដហថាកុំអោយមាត់ឡូឡាពេកព្រោះវារំខានដល់អ្នករស់នៅបន្ទប់ក្បែរគ្នា លុះមកដល់វេលាកើតហេតុខាងលើ ស្រាប់តែជនសង្ស័យជាជនដៃដល់បានផឹកសុីស្រែកឡូឡាម្តងទៀត ភ្លាមនោះដែរ ម្ចាស់ផ្ទះនិងជាជនរងគ្រោះក៏បានដើទៅប្រាប់ម្តងទៀតថាកុំឲ្យមាត់ខ្លាំងពេកព្រោះរំខានដល់អ្នករស់នៅបន្ទប់ក្បែរគ្នាពេលនោះធ្វើឲ្យជនសង្ស័យកើតជាកំហឹងរត់ទៅទាញកាំបិតចុងស្រួចដេញចាក់ទៅលើជនរងគ្រោះជាច្រើនកាំបិតត្រង់ពោះបណ្ដាលឲ្យស្លាប់ក្នុងថ្លុកឈាមយ៉ាងអាណោចអាធ័ម ហើយជនសង្ស័យក៏បានបោះកាំបិតចោលរួច រត់គេចខ្លួនចេញពីកន្លែងកើតហេតុបាត់ស្រមោល។
ក្រោយកេីតហេតុ ខាងលើសមត្ថកិច្ចមូលដ្ឋានសហការជាមួយមន្ត្រីការិយាល័យបច្ចេកទេសនិងវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញចុះមកពិនិត្យនិងធ្វេីកោសល្យវិច័្ចយទៅលេីសពរួចធ្វើកំណត់ហេតុប្រគល់អោយទៅសាច់ញាតិយកទៅធ្វេីបុណ្យតាមប្រពៃណី ចំណែកឯជនដៃដល់សមត្ថកិច្ចជំនាញនិងធ្វើការតាមស្រាវជ្រាវដើម្បីឃាត់យកមកចាត់ការតាមនីតិវិធីច្បាប់៕ 
ដោយ ៖ ភារ៉ា ដង្កោ
