FIFA បានដំឡើងតម្លៃសំបុត្រខ្ពស់បំផុតសម្រាប់ការប្រកួតវគ្គផ្តាច់ព្រ័ត្រ World Cup ឆ្នាំ 2026 ដល់ 10,990ដុល្លារ ក្នុងអំឡុងពេលទីផ្សារលក់សំបុត្រចុងក្រោយបំផុតនៅថ្ងៃទី 1 ខែមេសា។

 

នេះជាការកើនឡើងយ៉ាងខ្លាំងបើធៀបនឹងព្រឹត្តិការណ៍ World Cup ឆ្នាំ 2022 នៅប្រទេសកាតា ដែលសំបុត្រចុងក្រោយថ្លៃបំផុតត្រូវបានកំណត់ត្រឹម 1,600 ដុល្លារ នេះបើតាម The Guardian។

 

តម្លៃសំបុត្រខ្ពស់បំផុតសម្រាប់វគ្គផ្តាច់ព្រ័ត្រឆ្នាំនេះបានកើនឡើងជិតប្រាំពីរដង។

 

ក្នុងអំឡុងពេលនៃការលក់មុនបន្ទាប់ពីការចាប់ឆ្នោតវគ្គចែកពូលក្នុងខែធ្នូ ឆ្នាំ 2025 តម្លៃសំបុត្រចុងក្រោយខ្ពស់បំផុតគឺ 8,680 ដុល្លាររួចទៅហើយ។ បន្ទាប់ពីក្រុមចូលរួមទាំង 48 ត្រូវបានបញ្ជាក់ជាផ្លូវការ FIFA បានបើកច្រកលក់សំបុត្ររបស់ខ្លួនឡើងវិញជាមួយនឹងកម្រិតតម្លៃថ្មី។ តម្លៃសំបុត្រខ្ពស់បំផុតគឺសម្រាប់កៅអីពិសេសបំផុតសម្រាប់ការប្រកួតចុងក្រោយនៅកីឡាដ្ឋាន MetLife Stadium។

 

សំបុត្រថ្នាក់ទីពីរឥឡូវនេះមានតម្លៃ 7,380ដុល្លារ កើនឡើងពី 5,575ដុល្លារ ខណៈដែលសំបុត្រលំដាប់ទីបីសម្រាប់វគ្គផ្តាច់ព្រ័ត្របានឡើងពី 4,185 ដុល្លារទៅ 5,785ដុល្លារ។

 

គិតត្រឹមថ្ងៃទី 1 ខែមេសា FIFA បានបើកការលក់សំបុត្រសម្រាប់ការប្រកួតវគ្គផ្តាច់ព្រ័ត្រ និង 17 ប្រកួតក្នុង 72 វគ្គចែកពូល៕