បន្ទាប់ពីក្រុម Real Madrid ប្រកួតស្មើជាមួយ Girona កាន់កាប់កាលពីថ្ងៃសុក្រ ក្រុម Barcelona បានទាញយកប្រយោជន៍ពីអំណោយដែលមិននឹកស្មានដល់នោះ ដើម្បីដណ្តើមបានជ័យជម្នះ 4-1នៅអេស្ប៉ាញ LaLiga លើគូប្រជែង Catalan Espanyol និងនាំមុខ 9 ពិន្ទុនៅលើកំពូលតារាង។

 

Espanyol កំពុងស្វែងរកការឈ្នះលើកដំបូងរបស់ពួកគេនៅកីឡដ្ឋាន Camp Nou ចាប់តាំងពីឆ្នាំ 2009 ប៉ុន្តែពួកគេស្ទើរតែមិនប៉ះបាល់នៅក្នុងការចាប់ផ្តើម 10 នាទី ខណៈដែល Barca បានបង្កើនល្បឿនក្នុងការគ្រប់គ្រងកាតប្រកួត។

 

Ferran Torres វាយបកបានពីរគ្រាប់ នៅតង់ទីមួយជួយដោយកីឡាករ Lamine Yamal ទាំងពីរលើក ទីមួយដោយការតែតបាល់ពីជ្រុងនៅនាទីទី 10 មុននឹងបន្ថែមការនាំមុខទ្វេដងនៅនាទីទី 25 ។

 

Espanyol ទាញបានមួយគ្រាប់វិញនៅនាទីទី 56 នៅពេលដែល Pol Lozano ស៊ុតបញ្ចូលទីពីខាងក្នុងប្រអប់ ប៉ុន្តែ Yamal បានស្តារការគ្រប់គ្រងវិញនៅនាទីទី 87 ដោយការវាយបកយ៉ាងលឿនសម្រាប់គ្រាប់បាល់ទីបីហើយ Marcus Rashford បន្ថែមគ្រាប់ទី 4 ពីការបញ្ជូនរបស់ Frenkie De Jong ។

 

Barca បានឡើងដល់ 79 ពិន្ទុដោយនៅសល់ 7 ប្រកួតទៀត។

 

កីឡាករTorres បានប្រាប់សារព័ត៌មាន DAZN ថា “វាមិនទាន់ចប់ទេ រហូតដល់យើងឈ្នះពានលីគ ប៉ុន្តែវាអាស្រ័យលើយើងតែប៉ុណ្ណោះ ហើយវាជាអារម្មណ៍ដ៏អស្ចារ្យមួយ។ វាជាការប្រកួតដ៏ស្វិតស្វាញ តារាងពិន្ទុមិនប្រាប់ពីរឿងទាំងមូលនោះទេ។ វាជិតដល់ហើយ កំហុសតូចៗមួយចំនួនស្ទើរតែធ្វើឱ្យយើងខាតបង់យ៉ាងខ្លាំង។ ប៉ុន្តែយើងមានមោទនភាពចំពោះការលេងរបស់យើង”។

 

ក្នុងការប្រកួតនោះ លោកគ្រូបង្វឹក Flick បានជ្រើសរើសក្រុមឈុតធំពេញ បើទោះបីជាមានការប្រកួត Champions League វគ្គ 1/4 ផ្តាច់ព្រ័ត្រនៅថ្ងៃអង្គារ ជើងទីពីរនៅទឹកដី Atletico Madrid ដែល Barcelona ត្រូវតែយកឈ្នះលើសពី 2-0 វិញដែលខ្លួនបានចាញ់កាលពីជើងទីមួយទឹកដី Camp Nou ៕