អន្តរជាតិ ៖ ថ្ងៃទី 1 ខែឧសភា (រ៉យទ័រ) – ក្រុមមេធាវីរបស់លោកស្រី អ៊ុងសាន ស៊ូជី នៃប្រទេសមីយ៉ាន់ម៉ា មានគម្រោងជួបជាមួយអតីតមេដឹកនាំដែលត្រូវបានឃុំខ្លួននៅចុងសប្តាហ៍នេះ បន្ទាប់ពីលោកស្រីត្រូវបានរដ្ឋាភិបាលដែលគាំទ្រដោយយោធាផ្ទេរទៅឃុំខ្លួនក្នុងផ្ទះនៅក្នុងរដ្ឋធានី នេះបើយោងតាមការលើកឡើងរបស់តំណាងម្នាក់នៅថ្ងៃសុក្រ។

 

លោកស្រី ស៊ូជី ដែលជាអ្នកឈ្នះរង្វាន់ណូបែល ត្រូវបានឃុំខ្លួនចាប់តាំងពីយោធាបានផ្តួលរំលំរដ្ឋាភិបាលស៊ីវិលរបស់លោកស្រីនៅក្នុងរដ្ឋប្រហារមួយកាលពីខែកុម្ភៈ ឆ្នាំ 2021។ រដ្ឋប្រហារនេះបានបង្កឱ្យមានសង្គ្រាមស៊ីវិលដ៏សាហាវមួយ ដែលបានលេបត្របាក់ប្រទេសក្រីក្រនៅអាស៊ីអាគ្នេយ៍នេះ ហើយទីតាំងរបស់លោកស្រីនៅមិនទាន់ច្បាស់លាស់នៅឡើយ។

 

«លោកស្រី អ៊ុង សាន ស៊ូជី បច្ចុប្បន្ននៅតែស្ថិតនៅក្នុងទីក្រុងណៃពិដោ» សមាជិកម្នាក់នៃក្រុមមេធាវីរបស់លោកស្រីបានប្រាប់រ៉យទ័រ ដោយប្រើប្រាស់ពាក្យសរសើរសម្រាប់អ្នកនយោបាយជើងចាស់រូបនេះ ហើយបញ្ជាក់ថា លោកស្រីត្រូវបានបញ្ជូនទៅឃុំខ្លួនក្នុងផ្ទះនៅយប់ថ្ងៃព្រហស្បតិ៍។

នៅថ្ងៃព្រហស្បតិ៍ ប្រព័ន្ធផ្សព្វផ្សាយរដ្ឋបានរាយការណ៍ថា លោកស្រីនឹងត្រូវបញ្ជូនទៅឃុំខ្លួនក្នុងផ្ទះ ប៉ុន្តែមិនបានបញ្ជាក់ថានៅទីណានោះទេ។ ប្រព័ន្ធផ្សព្វផ្សាយរដ្ឋក៏បានផ្សាយរូបថតរបស់លោកស្រី ស៊ូជី អង្គុយលើកៅអីឈើជាមួយបុគ្គលិកស្លៀកពាក់ឯកសណ្ឋានពីរនាក់ ដែលជារូបភាពសាធារណៈលើកដំបូងរបស់លោកស្រីក្នុងរយៈពេលជាច្រើនឆ្នាំ ៕

ប្រភព ៖ (Reuters)