ខេត្តមណ្ឌលគិរី៖ ដោយអនុវត្តន៍អនុសាសន៍ដ៏ពីនាយឧត្តមសេនីយ៍ ស ថេត អគ្គស្នងការនគរបាលជាតិ និងបទបញ្ជាយ៉ាងហ្មឺងម៉ាត់ពីឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី ក្នុងការបង្រ្កាបនិងបទល្មើសគ្រឿងញៀន ក្នុងទូទាំងខេត្តមណ្ឌលគិរី កាល ពីថ្ងៃចន្ទ ២កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែឧសភា ឆ្នាំ២០២៦ កម្លាំងសមត្ថកិច្ចការិយាល័យបង្រ្គាបគ្រឿងគ្រឿងញៀន បានសហការជាមួយ កម្លាំងអធិការនគរបាលស្រុកកែវសីមា បង្រ្កាបជនសង្ស័យន៧នាក់ក្នុងករណីជួញដូរ រក្សាទុក ប្រើប្រាស់សារធាតុញៀន ដោយខុសច្បាប់នូវសារធាតុញៀន និង អនុវត្តដីកាបង្គាប់ឲ្យចាប់ខ្លួន លេខ ៨៣ ឃ.ដចន/២៦ វេលាម៉ោង ១២ និង៣៣នាទី នៅចំណុចតង់ខៀវ និងចំណុចផ្លូវបេតុងក្រោយសាលារៀន ស្ថិតក្នុងភូមិអូរអាម ឃុំស្រែខ្ទុម ស្រុកកែវសីមាដោយមានការសម្របសម្រួលនីតិវិធីពីលោក ស៊ាវ ងីឈាន់ ព្រះរាជ អាជ្ញារង អមសាលា ដំបូងខេត្តមណ្ឌលគិរី។
កាលពីថ្ងៃទី១៨ខែឧសភា ឆ្នាំ២០២៦ នាវេលាម៉ោង១២ និង៣៣នាទី កម្លាំងការិយាល័យប្រឆាំងគ្រឿងញៀន សហ ការជាមួយកម្លាំងផ្នែកប្រឆាំងគ្រឿង ញៀនស្រុកកែវសីមា និងកម្លាំងប៉ុស្តិ៍នគរបាលរដ្ឋបាលស្រែខ្ទុម បានចុះបង្រ្កាបករណីជួញដូរ ប្រើប្រាស់ដោយច្បាប់សារធាតុញៀន និងអនុវត្តដីកាបង្គាប់ចាប់ខ្លួន ឃុំខ្លួនលេខ៨៣. ឃ.ដចន./២៦ ស្ថិតនៅចំណុចតង់ខៀវ និងចំណុចផ្លូវបេតុងក្រោយសាលារៀន ភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី។
កម្លាំងសមត្ថកិច្ច បានបង្រ្កាបជនសង្ស័យបានចំនួន០៧ នាក់ ភេទប្រុស និងតេសវិភាគរកសារធាតុញៀនក្នុងទឹកម៉ូតជាលទ្ធផលវិជ្ជមាន ( + )។ ជនសង្ស័យខាងលើមាន ឈ្មោះដូចជា៖ ១/ឈ្មោះ សេន តាំ ភេទប្រុស អាយុ ២១ ឆ្នាំ ជនជាតិខ្មែរ សញ្ជាតិខ្មែរ មុខរបរមិនពិតប្រាកដ។ មានស្រុកកំណើតនៅ ភូមិសមាគមន៍ ឃុំពញាក្រែក ស្រុកពញាក្រែក ខេត្តត្បូងឃ្មុំ ។ ២/ ឈ្មោះ អៀង ម៉េងហ៊ាង (ហៅ ស្និត) ភេទប្រុស អាយុ១៨ឆ្នាំ ជនជាតិខ្មែរ សញ្ជាតិខ្មែរ មុខរបរមិនពិតប្រាកដ។ ស្រុកកំណើតនៅ ភូមិមង្គលបុរី ឃុំផ្សាជ្រែ ស្រុកព្រៃកប្បាស ខេត្តតាកែវ។ ៣/ ឈ្មោះ កង ទូច ភេទប្រុស អាយុ៤០ឆ្នាំ ជនជាតិខ្មែរ សញ្ជាតិខ្មែរ មុខរបរមិនពិតប្រាកដ។ ស្រុកកំណើតនៅ ភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី។ ៤/ឈ្មោះ ឈាវ ប៊ុនរ៉ុង ភេទប្រុស អាយុ២៦ឆ្នាំ ជនជាតិខ្មែរ សញ្ជាតិខ្មែរ មុខរបរមិនពិតប្រាកដ ស្រុកកំណើតនៅ ភូមិសមាគមន៍ ឃុំពញាក្រែក ស្រុកពញាក្រែក ខេត្តត្បូងឃ្មុំ។ ៥/ឈ្មោះ ហែម ជីវ័ន ភេទប្រុស អាយុ៣២ឆ្នាំជនជាតិខ្មែរ សញ្ជាតិខ្មែរ មុខរបរយោធា ស្រុកកំណើតនៅ ភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម ។ ៦/ ឈ្មោះ ផុន រ៉ា ភេទប្រុស អាយុ៣២ឆ្នាំ ជនជាតិខ្មែរ សញ្ជាតិខ្មែរ មុខរបរមិនពិតប្រាកដ មានស្រុកកំណើតនៅ ភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម។ ៧/ឈ្មោះ ហុំ សុីណា ភេទប្រុស អាយុ ២៦ឆ្នាំ ជនជាតិខ្មែរ សញ្ជាតិខ្មែរ មុខរបរមិនពិតប្រាកដស្រុកកំណើតនៅភូមិត្រពាំងផ្អេរ ឃុំស្រែខ្ទុម ស្រុកកែវសីមា ខេត្តមណ្ឌលគិរី។
សម្ភារៈនិងវត្ថុតាងដែលកម្លាំងសមត្ថកិច្ចយក រួមមាន៖ ១/ថ្នាំញៀនចំនួន៦កញ្ចប់ (ក្នុងនោះ៣ កញ្ចប់ធំ ២កញ្ចប់ធំល្មម ១កញ្ចប់តូច)។ ២/ ថង់សម្រាប់វេចខ្ចប់ថ្នាំញៀនមួយ ចំនួន។៣/ ជញ្ជីងថ្លឹងថ្នាំញៀនចំនួន ២គ្រឿង ។ ៤/ ឧបករណ៍ជក់ថ្នាំញៀនមួយចំនួន។ ៥/ បង់អាវុធ AK.47 ចំនួន១។ ៦/ គ្រាប់អាវុធ AK.47 ចំនួន ១៨គ្រាប់។ ៧/ ទូរស័ព្ទ ចំនួន ៧គ្រឿង ម៉ាក់ realme ចំនួន ៣គ្រឿង ព៌ណ ស១ ; ខ្មៅ១ ; ខៀវ១, ម៉ាក់ TECHNO ចំនួន ៣គ្រឿង ប្រផេះ១ ខ្មៅ១ ផ្ទៃមេឃ១, ម៉ាក់ Oppo ចំនួន១គ្រឿង ពណ៌ខៀវ ។ ៨/ ម៉ូតូ ចំនួន១ គ្រឿង ម៉ាកExciter 2020 ពណ៌ខៀវ គ្មានស្លាកលេខ។
បច្ចុប្បន្នកម្លាំងជំនាញការិយាល័យប្រឆាំងគ្រឿងញៀន កម្លាំងប្រឆាំងគ្រឿងញៀនស្រុកកែវសីមា និងកម្លាំងប៉ុស្តិ៍នគរបាលរដ្ឋបាលស្រែខ្ទុម កំពុងកសាងសំណុំរឿង ចាត់ការតាមនីតិវិធីច្បាប់ ៕
