ភ្នំពេញ៖ មន្ទីរប្រឆាំងគ្រឿងញៀននៃក្រសួងមហាផ្ទៃ សហការជាមួយកម្លាំងអធិការនគរបាលខណ្ឌឫស្សីកែវ ដឹកនាំដោយលោក គឹម ឆេងប៊ុន ក្រឡាបញ្ជីសាលាដំបូងរាជធានីភ្នំពេញ បើកកិច្ចប្រតិបត្តិការណ៍បង្ក្រាបជនសង្ស័យជួញដូរថ្នាំញៀន៣នាក់ ដោយមានការផ្ទុះអាវុធ៥គ្រាប់ផងនោះ និងចាប់យកថ្នាំញៀនជិត១គីឡូក្រាម ។

នៅក្នុងប្រតិបត្តិការខាងលើនេះបានធ្វើឡើងនៅវេលាម៉ោង៦និង៣០នាទីយប់ថ្ងៃទី២១ ខែកញ្ញា ឆ្នាំ២០១៦ នៅចំណុចមហាវិថីអង្គរ ក្រុមទី៩ ភូមិទួលគោក សង្កាត់ទួលសង្កែ ខណ្ឌឫស្សីកែវ ។

សមត្ថកិច្ចបានឱ្យដឹងថា ជនសង្ស័យទាំង៣នាក់ដែលឃាត់ខ្លួនបាន ទី១/-ឈ្មោះ ទឹម ស៊ីដេត ប្រុស អាយុ៣៨ឆ្នាំ ទី២/-ឈ្មោះ កែវ រដ្ឋា ភេទប្រុស អាយុ២០ឆ្នាំ និងទី៣/-ឈ្មោះ សុខ លាភ ភេទប្រុស អាយុ៣៩ឆ្នាំ។

ក្រោយមកសមត្ថកិច្ច បាននាំជនសង្ស័យទាំង៣នាក់ និងវត្ថុតាងទៅកាន់មន្ទីរប្រឆាំងគ្រឿងញៀនក្រសួងមហាផ្ទៃ កសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធីច្បាប់បន្ត ៕

ដោយ៖ ព្រែកជយ