ខេត្តបាត់ដំបង ៖ មន្ត្រីកងរាជអាវុធហត្ថខេត្តបាត់ដំបងបានឱ្យដឹងនៅព្រឹកថ្ងៃទី១៥ ខែមិថុនានេះថា នៅថ្ងៃទី ១៣ ខែមិថុនា ឆ្នាំ២០២៦ វេលាម៉ោ ១៣និង១០នាទី នៅចំណុចភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង កម្លាំងការិយាល័យជំនាញនៃកងរាជ អាវុធហត្ថខេត្តបាត់ដំបងបានឃាត់ខ្លួនជនសង្ស័យ ០២នាក់ :

១.ឈ្មោះ នី សុខឡេង ហៅ កុយ ភេទប្រុស អាយុ ២៣ឆ្នាំ មុខរបរ មិនពិតប្រាកដ រស់នៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង។

២ឈ្មោះ ចាន់ វិឆៃ ភេទប្រុស អាយុ ២៣ឆ្នាំ មុខរបរ មិនពិតប្រាកដ រស់ភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង។

+វត្ថុតាងដកហូត

១.គ្រឿងញៀនប្រភេទម្សៅក្រាមពណ៌ស ថ្លាម៉ាទឹកកក (ice)ចំនួន ០៧កញ្ចប់ ទម្ងន់ ៣.០១ក្រាម(ថ្លឹងទាំងសំបក)។

២.ទូរស័ព្ទ ចំនួន ០១គ្រឿង ។

បច្ចុប្បន្ន ជនសង្ស័យ និងវត្ថុតាង កំពុងឃាត់ខ្លួននៅការិយាល័យជំនាញ ចាត់ការតាមនីតិវិធី៕