ភ្នំពេញ៖ នៅវេលាម៉ោង៩ និង៣០នាទីព្រឹកថ្ងៃទី២៣ ខែកញ្ញា ឆ្នាំ២០១៦នេះ នាយកដ្ឋានព្រហ្មទណ្ឌក្រសួងមហាផ្ទៃនឹងធ្វើសន្និសីទកាសែតបង្ហាញមុខសញ្ញា៨នាក់ នៃការបំផ្ទុះគ្រាប់បែកកាលពីកន្លង ដោយមានការចូលរួមពីលោក សុខ ខេមរិន ប្រធាននាយកដ្ឋានព្រហ្មទណ្ឌក្រសួងមហាផ្ទៃ លោក  អ៊ិន បូរ៉ា ប្រធាននាយកដ្ឋានកណ្តាលនគរបាលយុត្តិធម៌ និងលោក ជួន សុវណ្ណ អគ្គស្នងការនគរបាលជាតិ។

គួរបញ្ជាក់ថា កាលពីយប់ថ្ងៃទី៦ ខែកញ្ញា ឆ្នាំ២០១៦ នៅតាមបណ្តោយផ្លូវលេខ១៦៣ ក្នុងសង្កាត់បឹងកេងកង៣ ខណ្ឌចំការមន មានការបំផ្ទុះគ្រាប់បែកបណ្តាលឲ្យមនុស្ស៤នាក់រងរបួស និងរថយន្ត៣គ្រឿង៕