ខេត្ដកំពង់ស្ពឺ÷ដោយបានការដឹកនាំបញ្ជាពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ លេីវិធានការក្ដៅចំពោះករណីក្មេងទំនើងបង្កការអុកឡុកតាមផ្លូវសាធារណៈដេញវាយនិងគប់គ្នា ក្នុងមូលដ្ឋានស្រុកភ្នំស្រួច កាលពីថ្ងៃទី២០ ខែមិថុនា ឆ្នាំ ២០២៦ វេលាម៉ោង២២និង៥៣នាទី ចំណុចភូមិក្រាំងចចាត ឃុំមហាសាំង ស្រុកភ្នំស្រួច ខេត្ដកំពង់ស្ពឺ កម្លាំងសមត្ថកិច្ចឃាត់ខ្លួនក្មេងទំនើង២ក្រុម។
លោកវរសេនីយ៍ទោ ជុន ចន្ទដេត អធិការនគរបាល
ស្រុកភ្នំស្រួចបានដឹកនាំកម្លាំងនគរបាលព្រហ្មទណ្ឌ
សន្ដិសុខសហការជាមួយជំនាញពាក់ព័ន្ធបេីកការស្រាវជ្រាវតាមវិធានការជំនាញដោយសហការជាមួយបណ្ដាអធិការដ្ឋាននគរបាលស្រុកសំរោងទង ឈានទៅកំណត់មុខសញ្ញាក្មេងទំនើង បានចំនួន២ក្រុម៖.ក្រុមទី១ មានគ្នាចំនួន៧នាក់(បានគេចខ្លួនក្រោយធ្វេីសកម្មភាព)។
ក្រុមទី២ មានគ្នាចំនួន៥នាក់(ស្ថានភាពគេចខ្លួន២នាក់ ឃាត់បាន ៣នាក់)
១-ឈ្មោះ ខុន សុផាន់ណេត ភេទប្រុស អាយុ២២ឆ្នាំ ២-ឈ្មោះ ឆេង ជីវ៉ា ភេទប្រុស អាយុ២២ឆ្នាំ ៣-ឈ្មោះ ជួង អ៉ីឈៀន ភេទប្រុស អាយុ២០ឆ្នាំរស់នៅភូមិស្រែត្រែង ឃុំធម្មតាអរ ស្រុកសំរោងទង ។
សមត្ថកិច្ចបានបញ្ជូនមកអធិការដ្ឋាននគរបាលស្រុកភ្នំស្រួច ដេីម្បីសាកសួរនិងពិនិត្យលេីភស្ដុតាង ជាក់ស្ដែង ក្មេងទំនេីងបានឆ្លើយថាពួកខ្លួនពិតជាបានធ្វើសកម្មភាពដេញគប់និងវាយគ្នានៅចំណុចភូមិឃុំខាងលើពិតប្រាកដមែន មូលហេតុក្រុមម្ខាងទៀតដេញកាប់ទេីបតប តដោយកណ្ដាប់ដៃវិញ។
បច្ចុប្បន្នក្រោយបញ្ចប់នីតិវិធីផ្នែកព្រហ្មទណ្ឌបានកសាងសំណុំរឿងបញ្ជូនទៅស្នងការដ្ឋាននគរបាលខេត្ដកំពង់ស្ពឺ ចំណាត់ការតាមនីតិវិធី៕
