ភ្នំពេញ៖ ក្រសួងយុត្តិធម៌ បានបញ្ជូនមេធាវីទីប្រឹក្សាអមក្រសួង ជួយដោះស្រាយសំណុំរឿងពលរដ្ឋតាមបណ្ដឹងស្នើសុំទាំងអស់ នៅឆមាសទី១ ឆ្នាំ២០២៦នេះ។ នេះបេីយោងតាមប្រភពព័ត៌មានពីសេចក្ដីប្រកាសព័ត៌មានរបស់ក្រសួងយុតិធម៌ ស្ដីពី «លទ្ធផលរយៈពេល៦ខែ ឆ្នាំ២០២៦ នៃការអនុវត្តយុទ្ធនាការជំរុញនិងពន្លឿនការដោះស្រាយរឿងក្ដីនៅតាមតុលាការ និងយុទ្ធនាការត្រួតពិនិត្យនិងដោះស្រាយរឿងក្ដីនៅតាមតុលាការ»។

 

ក្រសួងយុត្តិធម៌ បានបញ្ជាក់ថា គិតពីថ្ងៃទី១០ ខែមករា ឆ្នាំ២០២៦ ដល់ថ្ងៃទី៣០ ខែមិថុនា ឆ្នាំ២០២៦, ក្រសួងទទួលបានបណ្ដឹងស្នើសុំមេធាវីទីប្រឹក្សាអមក្រសួងយុត្តិធម៌ចំនួន ៣៥ សំណុំរឿង ក្នុងនោះទទួលបានក្នុងយុទ្ធនាការជំរុញនិងពន្លឿនការដោះស្រាយរឿងក្ដីនៅតាមតុលាការចំនួន ១៥ សំណុំរឿង និង យុទ្ធនាការត្រួតពិនិត្យនិងដោះស្រាយភាពមិនប្រក្រតីនៅតាមតុលាការចំនួន ២០ សំណុំរឿង។

 

ជាលទ្ធផល ក្រសួងយុត្តិធម៌បានបញ្ជូនមេធាវីរួចតាមការស្នើសុំទាំង ៣៥ សំណុំរឿង៕ដោយ៖តារា