ខេត្តពោធិ៍សាត់​៖​ បឋម​យោងតាម​សេចក្ដីរាយការណ៍​របស់​ប្រជាពលរដ្ឋ​រស់នៅឃុំអូសោម ស្រុកវាលវែង ខេត្តពោធិ៍សាត់​ បានអះអាងថា​ មានករណីជនល្មើសមានគ្រាប់បែក​បានបោកបំផ្ទុះគ្រាប់ ដាក់សមត្ថកិច្ច​ក្នុងប្រតិបត្តិការ​ ចុះបង្ក្រាបគ្រឿងញៀន​នៅស្រុកវាលវែង បណ្ដាលឱ្យ​អ្នកស្លាប់កើនដល់ ៥នាក់ហើយ​ ខណៈដែល​មនុស្សចំនួន​ ៤នាក់បានស្លាប់នៅ​នឹងកន្លែងកើតហេតុ​ និងម្នាក់ទៀតស្លាប់ ពេលបញ្ជូនទៅកាន់មន្ទីពេទ្យដេីម្បីសង្រ្គោះ​ តែអកុសលបានដាច់ខ្យល់ស្លាប់ផងដែរ។ 

សូមជម្រាបថា​ ករណីខាងលេីនេះ​បានកេីតឡេីង​កាលពីវេលាម៉ោង​ជាង​ ៥ល្ងាចថ្ងៃទី០៥ ខែសីហា ឆ្នាំ២០២៦​នេះ​ ខណៈដែល​កម្លាំងសមត្ថកិច្ច​ ចុះបង្ក្រាបករណីគឿងញៀន នៅឃុំអូសោម ស្រុកវាលវែង ខេត្តពោធិ៍សាត់។ 

ជុំវិញករណីនេះដែរ​ ភ្នាក់ងារ​កាសែតនគរវត្ត​  និង​គេហទំព័រ​នគរដ្រេហ្គន​ប្រចាំខេត្ត​ពោធិ៍សាត់​ បានសុំការ​សម្ភាសន៍​តាមទូរស័ព្ទ​ ទៅលោក​ ជា​ បារីស​ អធិការ​នគរបាល​ស្រុក​វាលវែង​ បានឱ្យដឹងថា​ ពិតជាមាន​ករណីផ្ទុះគ្រាប់បែកមែន​ ហើយគាត់កំពុងជាប់រវល់ក្នុង​ប្រតិបត្តិការខាងលើនេះ​ដែរ​ ចឹង​សុំអភ័យទោសផង។ 

បេីតាមអ្នកនាំពាក្យរងក្រសួងមហាផ្ទៃ​ លោក​ ទូច​ សុខៈ​ បានឱ្យដឹងថា ការផ្ទុះគ្រាប់បែកនេះ បានបណ្តាលឱ្យលោកមេប៉ុស្តិ៍នគរបាលរដ្ឋបាលឃុំអូសោមម្នាក់ និងប្រជាការពារចំនួន ៣នាក់ទៀត បានពលីជីវិត នៅកន្លែងកើតហេតុនៅពេលកំពុងបំពេញការងារចុះបង្រ្កាបជនបង្កដែលជាជនញៀនគ្រឿងញៀន។

ដោយឡែក​ជុំវិញករណីនេះដែរ​ យោងតាម​សាក្សីកន្លែងកើតហេតុ បានឱ្យដឹងដែរថា​ ក្នុង​រង្វង់​ប្រតិបត្តិការនេះ គេឃើញ​ជនរងគ្រោះ​ គឺជាកងកម្លាំងសមត្ថកិច្ច​ បានស្លាប់​ និងរបួសផងដែរ ជនរងគ្រោះ​ក្នុងក្នុងហេតុការណ៍នេះ​រួម​មាន​

 

១~ សាម រ៉ា នាយប៉ុស្តិ៍ (ស្លាប់)

២~ ជ្រន ប្រឹម ប្រជាការពារ (ស្លាប់)

៣~ សុខ អាន ប្រជាការពារ (ស្លាប់)

៤~ ចិន្តា ប្រជាការពារ (ស្លាប់)

៥~ អែម ដុំ ជនសង្ស័យ (ស្លាប់)

៦~ វ៉ី វឿន ប្រជាការពារ (របួសធ្ងន់)

៧~ សូ សុវណ្ណរិទ្ធ មន្ត្រីប៉ុស្តិ៍ (របួសធ្ងន់ ស្លាប់ តាមផ្លូវពេលបញ្ជូនទៅមន្ទីរពេទ្យ)

ប្រុសទាំង ៧នាក់‼️

៕ដោយ​៖​ ប៉ិន​ ពិន​

សូមរង់ចាំ​ព័ត៌មាន​លម្អិត​តាមក្រោយ៖