សិស្សជាង ៥០០ នាក់នៅខេត្តជ្វាខាងកើតត្រូវបានបញ្ជូនទៅមន្ទីរពេទ្យបន្ទាប់ពីញ៉ាំអាហារថ្ងៃត្រង់ដែលផ្តល់ជាផ្នែកមួយនៃកម្មវិធី “អាហារឥតគិតថ្លៃ” ដែលឧបត្ថម្ភដោយរដ្ឋាភិបាល។

យោងតាមលោក Ketut Sumedana មន្ត្រីម្នាក់មកពីទីភ្នាក់ងារអាហារូបត្ថម្ភជាតិឥណ្ឌូនេស៊ី សិស្សចំនួន ៥១២ នាក់នៅក្នុងតំបន់ស៊ីដូអាចូនៃខេត្តបានធ្លាក់ខ្លួនឈឺបន្ទាប់ពីញ៉ាំអាហារថ្ងៃត្រង់នៅថ្ងៃទី ១ ខែកញ្ញា ខណៈដែលមន្ត្រីមូលដ្ឋានម្នាក់ធ្លាប់បានបញ្ជាក់ថា ៥១៦ នាក់បានរងផលប៉ះពាល់។ អាជ្ញាធរសង្ស័យថាអាហារពីកម្មវិធីអាហារឥតគិតថ្លៃគឺជាមូលហេតុនៃការពុលអាហារ ហើយកំពុងធ្វើការស៊ើបអង្កេត។
លោក Ketut បានបន្ថែមថា សិស្សប្រមាណ ៨០នាក់ នៅតែទទួលការព្យាបាលនៅក្នុងមន្ទីរពេទ្យ។ ផ្ទះបាយមួយដែលសង្ស័យថាជាប្រភពនៃហេតុការណ៍នេះត្រូវបានផ្អាកមិនឱ្យចូលរួមក្នុងកម្មវិធីអាហាររយៈពេល ៣០ថ្ងៃ។
លោក Emil Dardak អភិបាលរងខេត្ត East Java បាននិយាយថា ផ្ទះបាយបានផ្តល់អាហារដល់សាលាបណ្ដុះបណ្ដាលអ៊ីស្លាមមួយ។
នេះមិនមែនជាលើកទីមួយទេដែលហេតុការណ៍ពុលអាហារបានកើតឡើងទាក់ទងនឹងកម្មវិធីអាហារឥតគិតថ្លៃរបស់ប្រទេសឥណ្ឌូនេស៊ី។
យោងតាមបណ្តាញត្រួតពិនិត្យការអប់រំឥណ្ឌូនេស៊ី (NEW Indonesia) គិតត្រឹមថ្ងៃទី ៨ ខែសីហា មានករណីពុលអាហារប្រមាណ ៣៧,៦០០ករណីដែលទាក់ទងនឹងកម្មវិធីនេះ។ មន្ត្រីឥណ្ឌូនេស៊ីជឿថា ការផ្ទុកអាហារមិនត្រឹមត្រូវ និងការដឹកជញ្ជូនអាហារឆ្អិនយឺត ជារឿយៗជាមូលហេតុនៃការពុល៕

រូប​ថត​: Reuters