ខេត្តកំពង់ស្ពឺ៖ ដោយបានការដឹកនាំបញ្ជាពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងមានការណែនាំពីលោកវរសេនីយ៍ឯក ហ៊ាង ឈាងលី ស្នងការរង ទទួលផែនការងារប្រឆាំងគ្រឿងញៀន និងលោកវរសេនីយ៍ឯក យឿន ប៉ាក់ទី ស្នងការរង ទទួលឱ្យជួយដឹកនាំការិយាល័យគ្រឿងញៀន នៅថ្ងៃពុធ ថ្ងៃទី២៣ ខែកញ្ញា ឆ្នាំ២០២៦កម្លាំងអធិការដ្ឋាននគរបាលស្រុកសំរោងទងផ្នែកប្រឆាំងគ្រឿងញៀនស្រុកបានស្រាវជ្រាវឃាត់មុខសញ្ញារក្សាទុកដោយខុសច្បាប់នូវសារធាតុញៀនបានចំនួន ៤នាក់ នៅចំណុចភូមិស្រែត្រោក ឃុំសែនដី ស្រុកសំរោងទង រួមមាន÷
១-ឈ្មោះ ចាន់ សុភី ប្រុស ១៨ឆ្នាំ ស្រុកកំណើតសង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ដកហូត គ្រឿងញៀន ២កញ្ចប់ (មធ្យម ១,តូច១),ទូរស័ព្ទ ១ គ្រឿង,ឧបករណ៍ប្រើប្រាស់ ២។
២-ឈ្មោះ ភន លុច ប្រុស ២៦ឆ្នាំ ស្រុកកំណើត ឃុំល្បើក ស្រុកឈូក ខេត្តកំពត បច្ចុប្បន្នជួលបន្ទប់ស្នាក់នៅភូមិស្រែត្រោក ឃុំសែនដី មានទូរស័ព្ទ ១គ្រឿង។
៣-ឈ្មោះ ស៊ិន សុភា ប្រុស ២១ឆ្នាំ ស្រុកកំណើតឃុំស្នាយអញ្ជិត ស្រុកជុំគិរី ខេត្តកំពត ដកហូតគ្រឿងញៀន ១កញ្ចប់,ទូរស័ព្ទ ១គ្រឿង។
៤-ឈ្មោះ អ៉ឹង សុខ ប្រុស ២៨ ឆ្នាំ ស្រុកកំណើត ឃុំទារុំ ស្រុកក្រវ៉ាញ ខេត្តពោធិ៍សាត់ បច្ចុប្បន្នស្នាក់នៅបន្ទប់ជួលភូមិជៃតាគួន ឃុំរកាកោះ ស្រុកគងពិសី មានទូរស័ព្ទ ១គ្រឿង។
លោកវរសេនីយ៍ឯក ឃុត សុផល អធិការនគរបាលស្រុកសំរោងទង បានគូសបញ្ជាក់ថាមុខសញ្ញាទាំងនេះជាក្រុមដែលប្រេីផងចែកចាយបន្ដផង មានគេមកលក់បន្ដ ។
បច្ចុប្បន្នករណីខាងលើ(មុខសញ្ញារួមជាមួយវត្ថុតាង) ត្រូវបានបញ្ជូនមកអធិការដ្ឋាននគរបាលស្រុកដេីម្បីបំពេញនីតិវិធីនិងកសាងសំណុំរឿងចាត់ការតាមនីតិវិធីបន្ដ៕
ដោយ៖ សុរិយា
