ក្រុងបាងកក ភ្លៀងធ្លាក់ខ្លាំងចាប់ពីរសៀលថ្ងៃទី ២៤ ខែកញ្ញា ដល់ព្រឹកថ្ងៃទី ២៦ ខែកញ្ញា បានបង្កឲ្យមានទឹកជំនន់ធ្ងន់ធ្ងរនៅតំបន់ជាច្រើននៃទីក្រុងបាងកក រាជធានីរបស់ប្រទេសថៃ ជាពិសេសនៅភាគខាងកើតនៃទីក្រុង។

អភិបាលក្រុងបាងកក លោក Chadchart Sittipunt បាននិយាយថា ប្រព័ន្ធប្រឡាយទឹកនៅក្នុងតំបន់នោះត្រូវបានផ្ទុកលើសទម្ងន់ ខណៈដែលផ្លូវសំខាន់ៗចំនួន ១៥ នៅទូទាំងទីក្រុងត្រូវបានជន់លិចយ៉ាងខ្លាំង។
ភ្លៀងធ្លាក់ខ្លាំងបានចាប់ផ្តើមនៅម៉ោងប្រហែល ៤ រសៀល ថ្ងៃទី ២៤ ខែកញ្ញា។ នៅព្រឹកថ្ងៃទី ២៦ ខែកញ្ញា ទឹកភ្លៀងដែលបានប្រមូលផ្តុំនៅក្នុងស្រុកភាគខាងកើតដូចជា Min Buri, Khlong Sam Wa និង Saphan Sung បានឈានដល់ជិត ៣០០ មីលីម៉ែត្រ។
ស្ថានភាពកាន់តែអាក្រក់ទៅៗ ដោយសារតែផលប៉ះពាល់នៃប្រព័ន្ធសម្ពាធទាប និងទឹកជំនន់ពីខេត្តជិតខាងដូចជា ណុនថាបុរី និង ប៉ាធុមថានី។
ប្រឡាយទឹកសំខាន់ៗនៅភាគខាងកើតទីក្រុងបាងកក រួមទាំង សេនសាប ប្រាវេត ឡាត់ប្រាវ និង ព្រេម ប្រាឆាខន សុទ្ធតែហៀរចេញ ហើយមិនអាចបង្ហូរទឹកបាន។
រដ្ឋាភិបាលក្រុងបានណែនាំដល់ប្រជាពលរដ្ឋដែលរស់នៅក្បែរតំបន់ទាំងនេះ ឱ្យរើឥវ៉ាន់ និងយានយន្តរបស់ពួកគេទៅកាន់ទីទួលខ្ពស់ឲ្យបានឆាប់រហ័ស។ ពួកគេក៏កំពុងរៀបចំបាវខ្សាច់ រៀបចំសាលារៀនជាមជ្ឈមណ្ឌលជម្លៀសបណ្តោះអាសន្ន និងត្រៀមខ្លួនរួចជាស្រេចដើម្បីបញ្ជូនអ្នកជំងឺដែលដេកលើគ្រែទៅកាន់មន្ទីរពេទ្យ៕

រូបថត​: AFP