រដ្ឋាភិបាលវៀតណាមបានប្រកាសថា នឹងបញ្ចុះតម្លៃអគ្គិសនីលក់រាយជាមធ្យមចំនួន ២% និងលុបពន្ធពិសេសលើការប្រើប្រាស់ប្រេងសាំងចាប់ពីថ្ងៃទី១ ខែវិច្ឆិកា ដើម្បីគាំទ្រស្ថិរភាពសេដ្ឋកិច្ច និងកាត់បន្ថយចំណាយសម្រាប់គ្រួសារ និងអាជីវកម្ម។
តាមសេចក្តីប្រកាសរបស់រដ្ឋាភិបាល៖
តម្លៃអគ្គិសនី៖ តម្លៃអគ្គិសនីលក់រាយជាមធ្យមនឹងធ្លាក់ចុះមកនៅត្រឹម ២.១៥៩,៩ ដុង (ប្រហែល ០,០៨៥ ដុល្លារ) ក្នុងមួយគីឡូវ៉ាត់ម៉ោង ដោយមិនទាន់បូកបញ្ចូលពន្ធលើតម្លៃបន្ថែម (VAT)។
ពន្ធលើប្រេងសាំង៖ ពន្ធពិសេសលើការប្រើប្រាស់ប្រេងសាំងនឹងត្រូវកាត់បន្ថយមកត្រឹម ០% ពីអត្រា ៧% ទៅ ១០% ដែលមានស្រាប់ ចាប់ពីថ្ងៃទី១ ខែវិច្ឆិកា រហូតដល់ដំណាច់ខែមីនា ឆ្នាំក្រោយ។
គោលបំណង៖ វិធានការនេះមានគោលដៅជួយរក្សាស្ថិរភាពសេដ្ឋកិច្ចម៉ាក្រូ គាំទ្រសុខុមាលភាពសង្គម និងជំរុញសកម្មភាពអាជីវកម្ម។
រដ្ឋាភិបាលវៀតណាមបានកំណត់គោលដៅកំណើនសេដ្ឋកិច្ចលើសពី ១០% សម្រាប់ឆ្នាំនេះ។ ដើម្បីសម្រេចបានគោលដៅនេះ កំណើនសេដ្ឋកិច្ចក្នុងត្រីមាសទី៤ ត្រូវតែខ្ពស់ជាង ១២,៥%៕
