ភ្នំពេញ៖ បុរសម្នាក់ដែលគេស្គាល់ជាបុគ្គលិករបស់ក្រុមហ៊ុនMetfoneបានរងរបួសធ្ងន់ត្រូវបានរថយន្តសង្គ្រោះង៧០ដឹកទៅមន្ទីរពេទ្យព្រះកុសុមះ បន្ទាប់ពីរូបគាត់បានឡើងតប្រពន្ធខ្សែរទូរស័ព្ទហើយឆក់ធ្លាក់ កាលពីវេលាម៉ោង ១១និង៤០នាទីព្រឹកថ្ងៃទី៧ ខែតុលា ឆ្នាំ២០១៦ ត្រង់ចំណុចមុខវត្តជន្លង់ម្លូ តាមផ្លូវជាតិលេខ៣ ក្នុងភូមិទួលកី សង្កាត់ភ្លេីងឆេះរទេះ ខណ្ឌពោធិ៍សែនជ័យ។

ជនរងគ្រោះឈ្មោះ សុខ ជា អាយុ២៧ឆ្នាំ បុខរបរជាបុគ្គលិកក្រុមហ៊ុនMetfone។

តាមសាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុជនរងគ្រោះបានមកតប្រពន្ធខ្សែរភ្លើងទូរស័ព្ទនៅចំណុចខាងលើ ខណៈកំពុងតភ្ជាប់ស្រាប់តែ ប៉ះនឹងដំណរខ្សែភ្លេីងចរន្តអគ្គិសនីបណ្តាលឲ្យឆក់ធ្លាក់ពីលើចុះមកក្រោមកម្ពស់ប្រហែល៣ទៅ៤ម៉ែត្ររងរបួសធ្ងន់។

ក្រោយពេលកើតហេតុប្រជាពលរដ្ឋដែលនៅក្បែរបានទំនាក់ទងទៅរថយន្តសង្គ្រោះរបស់កងពលតូចង៧០ ដើម្បីបញ្ជូនទៅមន្ទីរពេទ្យព្រះកុសុមះសង្គ្រោះ៕

ដោយ៖ សុខាសែនជ័យ