ភ្នំពេញ៖ អន្តរាគមន៍ចុះជួយខណ្ឌសែនសុខសហការជាមប៉ុស្តិ៍ទឹកថ្លាបានឃាត់ខ្លួនជនសង្ស័យ២នាក់ បន្ទាប់ពីធ្វើសកម្មភាពឆក់កាបូបពីជនជាតិចិនមិនបានសម្រេច។

ករណីឃាត់ខ្លួនខាងលើធ្វើឡើងនៅវេលាម៉ោង១១ និង៣០នាទីព្រឹកថ្ងៃទី១២ ខែតុលា ឆ្នាំ២០១៦ នៅតាមបណ្តោយផ្លួវណតប្រ៊ីត ក្រោយផ្សាររតនាផ្លាហ្សា ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ។

តាមប្រភពពីជនរងគ្រោះបានប្រាប់ឲ្យដឹងថា មុនពេលកើតហេតុជនរងគ្រោះដែលជនជាតិចិនចូលទៅដលលុយនៅធនាគារតាមបណ្តោយផ្លូវណតប្រ៊ីតត្រឡប់មកវិញក៏ត្រូវបានជនសង្ស័យធ្វើសកម្មភាពឆក់កាបូបបណ្តាលឲ្យស្ត្រីជនជាតិចិនដួល ប៉ុន្តែមិនបានសម្រេចទេ។

សូមបញ្ជាក់ថា នៅក្នុងកាបូបលុយជនរងគ្រោះមានលុយជាង២ម៉ឺនដុល្លារ និងទូរស័ព្ទដៃ២គ្រឿង ផងដែរ ត្រូវបានប្រគល់ជូនជនរងគ្រោះវិញ។

បច្ចប្បន្នជនសង្ស័យ២នាក់ខាងលើកំពុងតែធ្វើការសាកសួរនៅប៉ុស្តិ៍នគរបាលរដ្ឋបាលទឹកថ្លា៕

ដោយ៖ តុង សីហា