ភ្នំពេញ៖ យុវជន២នាក់ជិះមួុយគ្រឿងហើយត្រូវក្មេងស្ទាវមួយក្រុមទៀតជិះម៉ូតូដេញកាប់បណ្ដាលជ្រុលចង្កូតទៅបុកម៉ូតូបុរស២នាក់ដែលជាអ្នកលក់បន្លែងបណ្ដាលឲ្យរបួសធ្ងន់ទាំង៣នាក់ កាលពីវេលាម៉ោង១និង៥០នាទីរំលងអធ្រាត្រថ្ងៃទី៤ ខែវិច្ឆិកា ឆ្នាំ២០១៦ នៅចំណុចជិតការ៉ាសសាំងតេលា ស្ថិតក្នុងភូមិឫស្សី សង្កាត់ស្ទឹងមាន ខណ្ឌមានជ័យ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញយុវជន២នាក់ជិះម៉ូតូ១គ្រឿងម៉ាកឌ្រីមសង់០១៥ពណ៌ខ្មៅ ពាក់ស្លាកលេខភ្នំពេញ1FL-5778 បើកតាមបណ្ដោយផ្លូវ២១៧ ទិសដៅពីជើងទៅត្បូងបញ្ច្រាស់ផ្លូវចរាចរណ៍ខណៈមកដល់ចំណុចកើតខាងលើក៏មានស្ទាវ១ក្រុមទៀងមានគ្នា៥ទៅ៦នាក់ជិះម៉ូតូ២គ្រឿងមិនចាំម៉ាកមកពីក្រោយហើយដេញកាប់ជនរងគ្រោះបណ្ដាលឲ្យយុវជន២នាក់នោះភ័យស្លាន់ស្លោបានជ្រុលទៅបុកម៉ូតូមួយទៀតម៉ាកសង់កូរ៉េ ពាក់ស្លាកលេខភ្នំពេញ1-C6355 បើកបរដោយយុវជន២នាក់ដឹកបន្លែផ្សារដើមគរពេញទំហឹងបណ្ដាលឲ្យអូសប្រហែល២០ម៉ែត្រធ្វើឲ្យបុរសជាអ្នកដឹកបន្លែទាំង២នាក់ដួលបោកនិងថ្នល់រណូករណែលរងរបួសធ្ងន់ ចំណែកយុវជន២នាក់ត្រូវគេដេញតាមកាប់ឲ្យរងរបួសបានរត់ទៅដួលក្នុងរោងចក្រសន្លប់ស្ដូកស្ដឹងនិងម្នាក់របួសស្រាល។

ក្រោយកើតហេតុជនរងគ្រោះទាំង៣នាក់ត្រូវបានរថយន្តគ្លីនិចឯកជនហុងហាក់មកដឹកយកទៅសង្គ្រោះភ្លាមៗ។ ចំណែកម៉ូតូ២គ្រឿងត្រូវបានសមត្ថកិច្ចធ្វើការវាស់យកទៅរក្សាទុកនៅអធិការដ្ឋានចរាចរណ៍ខណ្ឌមានជ័យរងចាំធ្វើការដោះស្រាយជាក្រោយ៕

ដោយ៖ ជីម ភារ៉ា ដង្កោ