ភ្នំពេញ៖ នារីម្នាក់បើករថយន្តហាយប្រ៊ីដជែងហ្វតគៀបណ្តាលឲ្យរងការខូចខាតរបើកកាងក្រោយយ៉ាងដំណំ ចំណែកភាគីសងខាងទាមទារកសំណងរៀងខ្លួនទឹងសរសៃក កាលពីវេលាម៉ោង៩ និង៣០នាទីព្រឹកថ្ងៃទី៤ ខែវិច្ឆិកា ឆ្នាំ២០១៦ ស្ថិតនៅតាមបណ្តោយផ្លូវវេងស្រេង ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។

តាមប្រភពនៅកន្លែងកើតហេតុបានឲ្យដឹងថា មុនកើតហេតរថយន្តហ្វត ២បាំង ពាក់ស្លាកលេខ រដ្ឋ13 2-0416 បើកបរដោយបុរសម្នាក់ធ្វើដំណើរតាមបណ្តោយផ្លូវវេងស្រេងពីកើតទៅលិច លុះដល់ចំណុចខាងលើ ស្រាប់តែរថយន្តម៉ាកកាមរី ហាយប្រ៊ីដ ពណ៌ស្ករ ពាក់ស្លាកលេខ ភ្នំពេញ 2AC-1459 បើកបរដោយនារីម្នាក់ ធ្វើដំណើរពីកើតទៅលិចដូចគ្នាជែង បួងចង្កូតអៀបខាងតែជ្រុលទៅគៀរពីមុខរថយន្តហ្វត បណ្តាលឲ្យរងការខូចខាតសងខាង ។

ក្រោយកើតហេតុភាគីរថយន្តទាំង២គ្រឿងនិយាយចរចាគ្នាមិនត្រូវ ដោយសារភាគីទាំង២ទាមទារកសំណងរៀងៗខ្លួន ទើបសម្រេចហៅនគរបាលជំនាញមកធ្វើការវ៉ាស់វែង រកខុសត្រូវហេតុតែចង់ចាញ់ចង់ឈ្នះ ។

ករណីដណ្តើមសំណងការខូចខាតខាងលើ ទីបំផុតក្រោយពីសមត្ថកិច្ចវ៉ាស់វែងរួច បែជាភាគីសងខាងសុំនិយាយគ្នាជាថ្មី ដោយភាគីខាងរថយន្តហាយប្រ៊ីដសុខចិត្តព្រមចេញថ្លៃខូចខាតទៅឲ្យខាងរថយន្តហ្វត ចំនួន៥០ដុល្លារ ដើម្បីបញ្ចប់រឿង ៕

ដោយ៖ សុខាសែនជ័យ