ខេត្តត្បូងឃ្មំុ៖ បុរសម្នាក់រួមនិងវត្ថុតាងសង្ស័យជាថ្នាំញៀន២២កញ្ចប់ត្រូវបានចាប់ឃាត់ខ្លួនដោយនគរបាលស្រុកពញាក្រែក។

ការចាប់ឃាត់ខ្លួនជនសង្ស័យខាងលើធ្វើរឡើងនៅថ្ងៃ២៣ ខែធ្នូ ឆ្នាំ២០១៦ ត្រង់ចំណុច
ចំការកៅស៊ូ ស្ថិតនៅភូមិជីពាំង ឃុំក្រែក។

លោកវរសេនីយ៍ អោម មុន្នីវណ្ណ អធិការស្រុកពញាក្រែកបានឲ្យដឹងថា យោងតាមបញ្ជាលោកឧត្តមសេនីយ៏ទោ បែនរ័ត្ន ស្នងការដ្ឋាននគរបាលខេត្តត្បូងឃ្មុំ នៅយប់ថ្ងៃទី២៣ ខែធ្នូ ឆ្នាំ២០១៦ កម្លាំងជុំនាញអធិការដ្ឋាននគរបាលស្រុកពញាក្រែក បានចុះឆែកឆេអាវុធជាតិផ្ទុះនៅលើផ្លូវលំ ត្រង់ចំណុចចំការកៅស៊ូ ស្ថិតនៅភូមិជីពាំង ឃុំក្រែក។
ខណះនោះបានត្រួតពិនិត្យមុខសញ្ញាម្នាក់ឈ្មោះ ឌី យ៉ា ភេទប្រុស អាយុ៣៥ឆ្នាំ រស់នៅភូមិជីពាំង ឃុំក្រែក ស្រុកពញាក្រែក ខេត្តត្បូងឃ្មុំ ។ហើយធ្វើការឆែកឆេរកឃើញថ្នាំក្រាមពណ៍សរចំនួន ២២ កញ្ចប់នៅនិងខ្លួនជនសង្ស័យ។

លោកបន្តថា ករណីនេះបច្ចុប្បន្ន ជនសង្ស័យរួមនិងវត្ថុតាង កម្លាំងជំនាញកំពុងស្រាវជ្រាវរកបក្សពួកបន្តទៀតនិងចាត់ការតាមនិតិវិធី ៕  វណ្ណះ