ខេត្តស្វាយរៀង៖ប្ដីប្រពន្ធ២នាក់រងរបួសយ៉ាងធ្ងន់ធ្ងរខណៈដែលកំពុងជិះម៉ូតូនៅលើផ្លូវជាតិលេខ១ហើយត្រូវបានក្មេងស្ទាវបុកពីក្រោយហើយបើករត់គេចបាត់ស្រមោលនេះកាលពីវេលាម៉ោង៤:៤៥នាទីល្ងាចថ្ងៃទី២៦ខែធ្នូឆ្នាំ២០១៦លើផ្លូវជាតិលេខ១ស្ថិតក្នុងភូមិ កណ្តៀងរាយ ឃុំ កណ្តៀងរាយ ស្រុក ស្វាយទាប ខេត្តស្វាយរៀង។បើតាមប្រភពព័ត៌មានពីអ្នកភូមិបានឲ្យដឹងថា៖នៅមុនពេលកើតហេតុគេបុរសម្នាក់ជិះម៉ូតូមួយគ្រឿងមានដឹកនំបញ្ចុកពីក្រោយធ្វើដំណើរពីកើតមកលិចហើយប្រពន្ធជិះម៉ូតូមួយគ្រឿងទៀតនៅពីមុខលុះមកដល់ចំនុចកើតហេតុខាងលើស្រាប់តែមានក្រុមស្ទាវមួយក្រុមជិះម៉ូតូពីរទៅបីគ្រឿងប្រដេញគ្នាពីក្រោយក្នុងពេលនោះក៏បើកវ៉ាប៉ុន្តែវ៉ាមិនផុតក៏បណ្តាលឲ្យបុកពីក្រោយពេញទំហឹងតែម្តងធ្វើឲ្យបុរសដឹកនំបញ្ចុករងរបួសរយះក្បាលពីយ៉ាងធ្ងន់ធ្ងរត្រូវបានប្រជាពលរដ្ឋជួយហៅរថយន្តសង្គ្រោះដឹកយកទៅសង្គ្រោះនៅមន្ទីរពេទ្យបង្អែកស្រុកស្វាយទាបដើម្បីធ្វើការសង្គ្រោះខណះស្ត្រីជាប្រពន្ធមានផ្ទៃពោះ៥ខែផងដែរ។សមត្ថកិច្ចនគរបាលស្រុកបានអោយដឹងថាជនរងគ្រោះមានឈ្មោះ ពិត សា ភេទ ប្រុស អាយុ ២១ឆ្នាំ និង ប្រពន្ធ ឈ្មោះ សឹប នូ មានទីលំនៅភូមិ ព្រៃកន្តួច ឃុំ ព្រៃគគី ស្រុក ចន្ទ្រា ខេត្ត ស្វាយរៀង ជិះម៉ូតូ ១២៥ ស៊េរី ២០១៧ ពណ៌ ពាក់ស្លាកលេខ ស្វាយរៀង1G 3425 ចំណែកអ្នកបើកបង្កហេតុក្រោយពីបង្កហេតុបន្តជិះរត់គេចខ្លួនបាត់ស្រមោលតែម្តង។ក្រោយកើតហេតុអ្នកភូមិបាននាំគ្នាជួយសង្គ្រោះដឹកមកកាន់មន្ទីពេទ្យបង្អែកស្រុកស្វាយទាប៕