ក្រុមតោខៀវ Chelsea បានបន្តឈរ លើកំពូលតារាងអង់គ្លេស Premier League ដោយនាំមុខក្រុមលេខ ២ Manchester Cityរហូតដល់ទៅ7ពិន្ទុក្រោយពីពួកគេយក ឈ្នះលើក្រុម Bournemouth ដោយលទ្ធ ផល 3-0 ក្នុងថ្ងៃ Boxing Day ។

អ្វីដែលគួរឲ្យកត់សំគាល់ខ្លាំងជាងនេះទៅទៀតនោះគឺChelseaបានបំបែកកំណត់ត្រាថ្មីមួយក្នុង ប្រវត្តិសាស្រ្តរបស់ខ្លួនដោយឈ្នះ១២ប្រកួតជាប់គ្នានៅអង់គ្លេស Premier League។ បើទោះបីជាគ្មានតារាពូកែស៊ុត Diego Costa ក៏ក្រុមតោខៀវនៅតែលេងល្អក្រោមការដឹកនាំរបស់គ្រូបង្វឹកសញ្ជាតិអីុតាលីAntonio Conte។ គាត់នៅតែបន្តរៀបប្រព័ន្ធលេងដាក់ខ្សែប្រយុទ្ធ៣ខ្សែការពារ៣និងខ្សែការពារ៤(4-3-3)ដដែល ដោយមាន Eden Hazard, Pedro និង Willian ជាខ្សែប្រយុទ្ធ ។

កីឡាករអេស្ប៉ាញ Pedro អតីតខ្សែ ប្រយុទ្ធក្លិបBarcelonaបានរកគ្រាប់បាល់នៅទី២៤ហើយកីឡាករអន្តរជាតិបែលហ្ស៊ិកEden Hazard ស៊ុតបាល់ពិន័យ១១ម៉ែត្រ មួយគ្រាប់ទៀតនៅតង់ទី២ ខណៈខ្សែការ ពារ Steve Cook របស់ក្លិប Bournemouthធ្វើឲ្យចូលទីខ្លួនឯងមួយគ្រាប់ទៀតនៅជិតចប់ការប្រកួត។

លោក Antonio Conte អតីតគ្រូបង្វឹក ក្លិប Juventus និងជម្រើសជាតិអុីតាលី បានថ្លែងក្រោយចប់ការប្រកួតថា “ឈ្នះ១២ប្រកួតជាប់គ្នានៅក្នុងក្របខ័ណ្ឌនេះពិតជាការងារដ៏ពិបាកណាស់ ។ នេះជាលទ្ធ ផលអស្ចារ្យបំផុតហើយអ្វីដែលសំខាន់នោះគឺយើងបន្តទម្រង់ល្អបែបនេះតទៅទៀត”៕

ដោយ៖ ដេវីត