ភ្នំពេញ៖ នៅព្រឹកថ្ងៃទី២៨ ខែធ្នូ ឆ្នាំ២០១៦នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានមានប្រសាសន៍ថ្លែងនៅលើFacebook Page ថា៖ នៅពេលប្រទេសយើងមានសន្តិភាព ឱកាសសម្រាប់ប្រជាពល រដ្ឋ ជាពិសេសសម្រាប់យុវជនគឺមានកាន់តែច្រើនឡើងៗ។ ដោយ សេចក្តីអំណត់តស៊ូខិតខំប្រឹងប្រែងមិនរាថយ គឺក្តីស្រមៃនិងសុបិន របស់យុវជនយុវតីកម្ពុជាក្នុងសម័យតេជោសន្តិភាពកាន់តែបាន សម្រេចដូចបំណងប្រាថ្នា។

តួយ៉ាងដូចជាក្តីសុបិនរបស់កីឡាបាល់ទាត់ឆ្នើមរបស់ជប៉ុន លោក Keisuke Honda ដែលក្តីសុបិនរបស់គាត់បានក្លាយជាកីឡា បាល់ទាត់ពិភពលោកពិតដូចបំណងមែន ដែលពីមុនគឺគ្រាន់តែជាក្តីសម្រមៃ ប៉ុណ្ណោះ។ ដើម្បីជោគជ័យ និងអនាគតល្អក្នុងជីវិត យុវជនកម្ពុជាត្រូវមានក្តីសង្ឃឹម និងមហិច្ឆិតាខ្ពស់ជាមួយឆន្ទះមុតស្រួចផ្តោតទៅលើគោលដៅ ហើយត្រូវចៀសអោយឆ្ងាយពីគ្រឿងញៀន និងល្បែងអបាយមុខគ្រប់យ៉ាង។ ទន្ទឹមនឹងនេះ យុវជនត្រួវចូលរួមគោរពច្បាប់ចរាចរណ៍អោយបានគ្រប់ៗគ្នាដើម្បីសេចក្តីសុខ និងសុវត្ថិភាពសម្រាប់យើងទាំងអស់គ្នា៕