ភ្នំពេញ៖ បុរសម្នាក់រងរបួសបែកក្បាលហូតឈាមស្រោចមុខដោយសារក្រុមប្លន់ប្រដាប់មួយក្រុមបានដកកាំភ្លើងខ្លី២ដើម ភ្ជង់គំរាមបាញ់សម្លាប់ នៅមុខផ្ទះជនរងគ្រោះខណៈដែលបើករថយន្តមកឈប់នៅមុខផ្ទះ។

ករណីប្លន់នេះកើតឡើងនៅវេលាម៉ោង១២រំលងអធ្រាត្រឈានចូលថ្ងៃទី២ ខែមករា ឆ្នាំ២០១៧ នៅត្រង់មុខផ្ទះជនរងគ្រោះតាមបណ្តោយផ្លូវ១៦៣កែង៤២៦ ស្ថិតក្នុងសង្កាត់ទួលទំពូង២ ខណ្ឌចំការមនភ្នំពេញ រាជធានីភ្នំពេញ៕

បើតាមប្រភពព័ត៌មានពីបងប្អូនជនរងគ្រោះបានប្រាប់ឲ្យដឹងថា រូបគាត់៣នាក់បងប្អូនជិះរថយន្ត១គ្រឿងទើបតែចេញពីហូបអីហើយបានត្រឡប់មកផ្ទះវិញ ខណៈមកដល់ផ្ទះក៏បាននាំគ្នាចុះពីរថយន្តស្រាប់តែក្រុមចោរប្លន់មួយក្រុមប្រដាប់កាំភ្លើងខ្លី២ដើម ភ្ជង់គំរាមបាញ់សម្លាប់ បានមកស្ទាក់ប្លន់ដល់មុខផ្ទះតែម្តង ហើយក៏បានវាយក្បាលជនរងគ្រោះខាងលើមួយកាំភ្លើងខ្លីបណ្ដាលឲ្យរបួសបែកក្បាលហូតឈាមស្រោចមុខរួចក្រុមចោរក៏បានសម្ភារនៅលើខ្លួនជនរងគ្រោះអស់ជិត៥០០០ដុល្លារ។

ក្រោយពីបានភ្ជង់ប្លន់យកសម្ភារពីជនរងគ្រោះបានសម្រេចរួចក្រុមចោរបាននាំគ្នាជិះគេចខ្លួនដោយសុវត្ថិភាព ។ ចំណែកជនរងគ្រោះត្រូវបានបញ្ជូនទៅកាន់មន្ទីរពេទ្យភ្លាមៗ៕

ដោយ៖ ស រស្មី