ភ្នំពេញ៖ បុរសជនជាតិកូរ៉េម្នាក់បើករថយន្តបត់ឆ្វេងសង្ស័យមិនដឹងថាផ្លូវនោះមានដាក់របាំងថ្មពេញទំហឹងបណ្តាលអោយប្រពន្ធដែលជិះជាមួយរងរបួសបែកក្បាលនិងបាក់ដៃ។
ហេតុការណ៍នេះបានកើតឡើងកាលពីវេលាម៉ោង ១៩និង១០នាទីយប់ថ្ងៃទី១ ខែធ្នូ ឆ្នាំ២០១៦ នៅចំណុចផ្លូវឧកញាម៉ុងឫទ្ធី មុខ ហាងស៊ុប អាសុីសូគីស៊ុប ស្ថិតក្នុងសង្កាត់ភ្នំពេញថ្មី ខណ្ឌសែនសុខ។

រថយន្តបង្កម៉ាកកាមរីសេរ៊ីឆ្នាំ ៩៥ ពណ័សំបកឪឡឹក ពាក់ស្លាកលេខ បាត់ដំបង 2A 0836 បើកបរដោយបុរសម្នាក់ឈ្មោះ ឆុង សាំងយុគ ភេទប្រុស អាយុ45ឆ្នាំ ស្នាក់នៅផ្ទះលេខ ១២០ ផ្លូវ៥ សង្កាត់ទួលសង្កែ ខណ្ឌឫស្សីកែវ ចំណែកប្រពន្ធដែលរងរបួសនោះមិនស្គាល់ឈ្មោះទេគ្រាន់តែដឹងថារងរបួសបែកក្បាលនិងបាក់ដៃខាងស្តាំ។

តាមប្រភពពត៍មានពីកន្លែងកើតហេតុបានអោយដឹងថាមុនពេលកើតហេតុ គេឃើញរថយន្តខាងលើបើកតាមផ្លូវឧកញា ម៉ុង ឫទ្ធី ក្នុងទិសដៅពីកើតមកលិចក្នុងល្បឿនលឿនលុះមកដល់ចំណុចកើតហេតុដោយសារតែអ្នកបើកបររថយន្តខាងលើមិនដឹងថាកន្លែងនោះមានដាក់របាំងថ្មពុះចែកទ្រូងផ្លូវថ្មីៗទើបបត់រថយន្តមកខាងឆ្វេងទាំងមិនបានចាប់អារម្មណ៍ជ្រុលទៅបុកក្បាលនាគថ្មពុះចែកទ្រូងផ្លូវបណ្ដាលអោយវៀចចេញពីទ្រង់ទ្រាយដើមទាំងស្រុងចំនែករថយន្តវិញរងការខូចខាតផ្នែកខាងមុខទាំងស្រុងចំណែកស្ត្រីជាប្រពន្ធដែលអង្គុយជាមួយនោះដោយមិនបានពាក់ខ្សែក្រវាត់ហោះទៅបុកកញ្ចក់រថយន្តបណ្ដាលអោយរងរបួសបែកក្បាលនិងបាក់ដៃខាងស្ដាំតែម្តង។ដោយឡែកបុរសជាប្តីដែលបើកបរមិនរងរបួសអ្វីនោះទេ។ ប្រភពពីអ្នកបើកបរបានបន្តថាកាល
ពីមុនផ្លូវនេះមិនធ្លាប់មានរបាំងថ្មពុះចែកទ្រូងផ្លូវអ្វីនោះទេដោយសារតែផ្លូវខាងលើនោះមិនមានភ្លើងបំភ្លឺផ្លូវហើយក្បាលនាគដែលទើបនិងដាក់នោះក៍មិនមានសញ្ញាសំគាល់អ្វីនោះទើបធ្វើអោយអ្នកដំណើរដែលធ្លាប់តែបត់ផ្លូវនោះមិនបានចាប់អារម្មណ៍ហើយទើបកើតមានគ្រោថ្នាក់ចរាចរបែបនេះ។

ក្រោយពេលកើតហេតុស្ត្រីរងគ្រោះត្រូវបានរថយន្តសង្គ្រោះបន្ទាប់មន្ទីរពេទ្យកាល់ម៉ែតដឹកយកទៅសង្គ្រោះចំណែករថយន្តវិញត្រូវបានជំនាញចរាចរណ៍រាជធានីធ្វើការវាស់វែងនិងអូសយកទៅរក្សាទុកនៅការិយាល័យចរាចរណ៍ជើងគោករាជធានីរងចាំការដោះស្រាយនៅពេលក្រោយ ៕ តុង សីហា