ភ្នំពេញ៖ ជនសង្ស័យ២នាក់ត្រូវបានកម្លាំងនគរបាលខណ្ឌមានជ័យនិងប៉ុស្តិ៍បឹងទំពន់ចាប់ឃាត់ខ្លួនពាក់ព័ន្ធករណីជួញដូរគ្រឿងញៀន កាលពីវេលាម៉ោង៤រសៀលថ្ងៃទី៣ ខែមករា ឆ្នាំ២០១៧ នៅត្រង់ចំណុចផ្លូវ៨៧បេតេ ក្រុម៤ ភូមិត្នោតជ្រុំ៦ សង្កាត់បឹងទំពន់ ខណ្ឌមានជ័យ ។

សមត្ថកិច្ចបានឲ្យដឹងថា ជនសង្ស័យមានឈ្មោះ ហិុន សោភ័ណ្ឌ ហៅកណ្តុរ ភេទស្រី អាយុ៣១ឆ្នាំ ទី លំនៅមិនប្រាកដ និងម្នាក់ទៀតឈ្មោះ ហែម ម៉ុងហេង ភេទប្រុស អាយុ៣៥ឆ្នាំ ស្នាក់នៅផ្ទះជួល ផ្លូវលំ ភូមិត្នោតជ្រុំ សង្កាត់បឹងទំពន់ ខណ្ឌមានជ័យ។

សមត្ថកិច្ចបានបន្តថា ក្នុងនោះកម្លាំងយើងបានដកហូតថ្នាំញៀន២កញ្ចប់តូច ទូរស័ព្ទដៃ១គ្រឿង និងលុយ៤ម៉ឺនរៀលផងដែរ។ បច្ចុប្បន្នជនសង្ស័យទាំង២នាក់កំពុងឃំុខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំចាត់ការតាមនីតិវិធី៕

ដោយ៖ តាឡឹម