ភ្នំពេញ៖ មន្ត្រីសន្តិសុខសាលាខណ្ឌពោធិ៍សែនជ័យម្នាក់រហសនាមស្ទាំងខៀវ៤ត្រូវបានចោរលួចគាស់ផ្ទះចូលលួចយកគ្រឿងអលង្ការសរុបជិត២ពាន់ដូល្លារ ខណៈចុះបំពេញការងារទៅបង្ក្រាបល្បែងសង្វៀនបញ្ជល់មាន់ កាលពីរសៀលថ្ងៃទី១២ ខែមករា ឆ្នាំ២០១៧ ស្ថិតនៅភូមិថ្មគោល សង្កាត់ចោមចៅ ខណ្ឌពោធិ៍សែនជ័យ។

មន្ត្រីសន្តិសុខរូបនោះមានឈ្មោះ អ៊ូ សុផល អាយុ៤០ឆ្នាំ មុខរបរជាសន្តិសុខសាលាខណ្ឌពោធិ៍សែនជ័យរហសនាមស្ទាំងខៀវ៤ និងមានប្រពន្ធឈ្មោះ ពៅ សុផាត អាយុ៣៨ឆ្នាំ រស់នៅផ្ទះលេខ១០៤៧ ក្រុម១B ភូមិតាងួន សង្កាត់កាកាប ខណ្ឌពោធិ៍សែនជ័យ។

មន្ត្រីសន្តិសុខបានប្រាប់ឱ្យដឹងថា ខណៈដែលរូបលោកកំពុងតែចុះបំពេញបេសកកម្មប្រតិបត្តិការបង្ក្រាបសង្វៀនបញ្ជល់មាន់ អាប៉ោងលួចលាក់មួយកន្លែងក្នុងភូមិថ្មគោល សង្កាត់ចោមចៅ រួចហើយនោះនៅពេលដែលត្រឡប់មកផ្ទះវិញក៏ស្រាប់តែត្រូវបានចោរគាស់ផ្ទះយកអស់គ្រឿងអលង្ការអស់គ្មានសល់សរុបជាទឹកប្រាក់ជិត២ពាន់ដុល្លារ ក្នុងនោះមានខ្សែក ខ្សែផ្លាកដៃ១ ខ្សែរចិញ្ចៀន១វង្ស និងក្រវិល១គូរ។

លុះព្រឹកថ្ងៃទី១៣ទើបបានទៅដាក់ពាក្យបណ្តឹងនៅប៉ុស្តិ៍នគរនបាលរដ្ឋបាលកាកាបដើម្បីងាយស្រួលសមត្ថកិច្ចកំណត់មុខសញ្ញា៕ សុខាសែនជ័យ