លោក សាយសំភូន ភូមិវិហាន បានស្នើសម្តេចប្រធានរដ្ឋសភាមេត្តាពិនិត្យឡើងវិញនូវការអនុវត្តកិច្ចព្រមព្រៀងរវាងនៃ រណសិរ្សកសាងជាតិឡាវនិងរណសិរ្សសាមគ្គីអភិវឌ្ឍន៍មាតុភូមិកម្ពុជាដែលបានចុះកិច្ចព្រមព្រៀងគ្នាកាលពីឆ្នាំ២០១៧និងឆ្នាំ២០១០ ដើម្បីជំរុញដល់ការអនុវត្តនៅលើខ្វះខាត ឲ្យបានពេញលេញក្នុងការបម្រើផលប្រយោជន៍ប្រទេសទំាងពីរបន្តទៀត។

ជាមួយគ្នានេះ ជួសមុខលោកស្រីប្រធានរដ្ឋសភាឡាវ និងក្នុងនាមគណៈកម្មាធិការមជ្ឈឹមរណសិរ្សកសាងជាតិឡាវ លោកប្រធានគណៈប្រតិភូបានគោរពអញ្ជើញសម្តេចអគ្គមហាពញាចក្រី ហេង សំរិន ដឹកនាំគណៈប្រតិភូទៅបំពេញទស្សនកិច្ចនៅប្រទេសឡាវក្នុងពេលសមស្របណាមួយ។

ក្នុងនាមរដ្ឋសភាកម្ពុជានិងក្នុងនាមក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា សម្តេចបានវាយតម្លៃខ្ពស់ ចំពោះទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការរវាងប្រទេសទាំងពីរ ដែលមានការរីកចម្រើនឥតឈប់ឈរពីមួយថ្ងៃទៅមួយថ្ងៃ៕